پەرلەمانتارێکی پارتی لە بەغدا: ئامادەنەبوونمان لە کۆبوونەوەکانی پەرلەمان پەیامێکە بۆ لایەنە عێراقییەکان
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

پەرلەمانتارێکی پارتی لە بەغدا: ئامادەنەبوونمان لە کۆبوونەوەکانی پەرلەمان پەیامێکە بۆ لایەنە عێراقییەکان

 

پەرلەمانتارێکی پارتی لە بەغدا ڕای دەگەیەنێت، ئامادەنەبوونیان لە کۆبوونەوەکانی پەرلەمانی عێراق بە ئامانجی پێدانی پەیامێک بووە بەو لایەنە عێراقییانەی کە بەبێ تەوافق دەنگیان بە پڕۆژە یاسایی قەرزدا.

د. ناسڕ یوسف هەرکی، پەرلەمانتاری پارتی دیموکراتی کوردستان لە بەغدا، بۆ (باسنیوز) ڕای گەیاند ئەو پڕۆژەیە پەسەندکردنی بەبێ تەوافق و بۆ لێدان لە قوتی مووچەخۆرانی هەرێمی کوردستان کاریگەری خراپی لەسەر ئەو تەوافق و هاوسەنگیی و هاوبەشیە هەیە کە لە دوای 2003ەوە عێراقی لەسەر دامەزراوە، گوتیشی: "ئامادەنەبوونمان لە کۆبوونەوەکانی پەرلەمان بە ئامانجی پێدانی پەیامێک بووە بەو لایەنە عێراقییانەی کە بەبێ تەوافق و ڕەزامەندی نوێنەرانی کورد لە بەغدا دەنگیان بە پڕۆژە یاسایی قەرزدا کە بەهۆیەوە ئەو بڕە پارەی بۆ مووچەی فەرمانبەرانی هەرێمی کوردستان دەهات لەمپەری کەوتە بەردەم".

هەروەها ئەوەشی خستە روو، کە پێویستە ئەو هەڵانە راستبکرێنەوە کە دەبنە هۆی لێکترازانی پێکهاتەکانی عێراق، گوتیشی: "بەداخەوە ئەو پڕۆژەیە بە زۆرینەی سیاسی تێپەڕێندراو ئەوەش لێکترازانی لە نێوان پێکهاتەکانی عێراق دروستکردووە، هیوادارین لایەنە عێراقییەکان لە ئامادەنەبوونی ئێمە و نیگەرانیەکان تێبگەن و ئەو هەڵانە راستبکرێنەوە، تاوەکو بتواندرێ بە هەموو لایەک کار بۆ بەرژەوەندیەکانی گەلی عێراق و کوردستان بکەین، نەک کارێک بکەین ببێت بە لێکترازان و دابڕانی نێوان پێکهاتە و لایەنەکان".