كەمێك لەمەوبەر، كۆبوونەوەی هەفتانەی ئەنجوومەنی وەزیرانی هەرێمی كوردستان بە سەرپەرشتیی مەسرور بارزانی، سەرۆكی ئەنجوومەنی وەزیران و ئامادەبوونی قوباد تاڵەبانی، جێگری سەرۆك وەزیران دەستی پێكرد.
پێشتر فەرمانگەی میدیا و زانیاریی حكوومەتی هەرێمی كوردستان رای گەیاندبوو، لە كۆبوونەوەكەی ئەمڕۆی ئەنجوومەنی وەزیراندا دوو تەوەری سەرەكی گفتوگۆیان لەبارەوە دەكرێت:
• داهات و خەرجییەكان و دوا پێشهاتەكانی ڕێڕەوی دانوستان لەگەڵ حكوومەتی فیدراڵ سەبارەت بە شایستە داراییەكانی هەرێمی كوردستان.
• پێشنووسی پەیڕەوی (دیاریكردنی ماف و ئیمتیازەكانی كەسوكاری شەهیدان و ئەنفالكراوان)