لە هێرشێكی داعشدا لە پارێزگای سەڵاحەدین چوار پۆلیسی عێراقی بوونە قوربانی
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

لە هێرشێكی داعشدا لە پارێزگای سەڵاحەدین چوار پۆلیسی عێراقی بوونە قوربانی

شەوی ڕابردوو لە سنووری پارێزگای سەڵاحەدین چەکدارانی داعش ماڵی بەڕێوەبەرێكی پۆلیسیان كردووەتە ئامانج و لە ئەنجامدا چوار كوژراو و برینداری لێ كەوتووتەوە.

عەقید محەمەد عوسمان، گوتەبێژی پۆلیسی پارێزگای سەڵاحەدین، ئەمڕۆ چوارشەممە ٢٥ی١١ی٢٠٢٠ لەبارەی هێرشێکی شەوی رابردووی شارەدێیەكی سنووری پارێزگای سەڵاحەدینی بە (باسنیوز)ی ڕاگەیاند: "درەنگانی شەوی رابردوو بەهۆی هێرشێکی داعشەوە لە گوندی "مەزاریع"ی سەر بە ناحیەی یەسروب، پۆلیسێك گیانی لەدەست داوە و سێ پۆلیسی دیکەش بریندار بوون."

گوتیشی: "هێرشەكە بە دیاریكراوەی كراوەتە سەر ماڵی عەقید بەهلول زوبەیدی، بەڕێوەبەری پۆلیسی یەسروب بووە و بەو هۆیەشەوە ناوبراو بریندارە."  

راشی گەیاند: "تیرۆریستانی داعش پاش ئەو كردەوە تیرۆریستییە هەڵاتوون."