عوسمان ئۆجەلان: هێرشی راگەیاندنی پەكەكە بۆ سەر هەرێمی کوردستان لە خزمەتی داگیركەرانە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

عوسمان ئۆجەلان: هێرشی راگەیاندنی پەكەكە بۆ سەر هەرێمی کوردستان لە خزمەتی داگیركەرانە

ماوەیەكە میدیاکانی سەر بە پارتی كرێكارانی كوردستان (پەكەكە) هێرشی راگەیاندنیان لە دژی خەڵك و حكوومەتی هەرێمی كوردستان دەستپێكردووە و سیاسەتمەدارێكی کوردیش دەڵێ هێرشی راگەیاندنە پەكەكە بۆ سەر هەرێمی کوردستان لە خزمەتی داگیركەرانە.

عوسمان ئۆجەلان، سیاسەتمەداری کورد بە (باسنیوز)ی ڕاگەیاند: "هێرشی راگەیاندنی پەكەكە لە دژی هەرێمی كوردستان لە خزمەتی داگیركەرانە و من هێرشیی میدیایی بۆ سەر خەڵک و حکوومەتی هەرێمی کوردستان ڕەتدەکەمەوە و ئاشکرایە کە حکوومەتی هەرێمی کوردستان لەمەڕ شەڕی نێوان پەكەكە و توركیاش هەڵوێستی بێلایەن بووە".

گوتیشی: "لەنێو پەكەكە پێشتر و ئێستاش جۆرە سیایەتێكی هەڵە پەیڕەو دەکرێ، بەتایبەت ئێستا ئەوان لەگەڵ پێكهێنانی دەوڵەتدا نیین و هەروەها لەگەڵ پێكهێنانی هیچ قەوارەیەكی كوردی نیین و سیاسەتی ئێستایان دیار نییە كە بۆچی كار دەكەن".

لەماوەی چەند هەفتەی ڕابردوودا چەکدارانی پەکەکە لە سنووری ئامێدی هێرشیان کردە سەر هێزەکانی پێشمەرگە و بەو هۆیەوە پێشمەرگەیەک شەهید و چەند پێشمەرگە و فەرماندەیەکیش بریندار بوون هەروەها بۆڕی هەناردەی نەوتی کوردستانیان تەقاندەوە، سەرەڕای ئەوانەش چەند ڕۆژێکە پەکەکە لە رێگەی دەزگا راگەیاندنەکانییەوە هێرشی میدیایی لە دژی خەڵک و حکوومەتی هەرێمی کوردستان دەستپێکردووە.