وەزارەتی کارەبا روونکردنەوە لەبارەی ماوەی پێدانی کاتژمێرەکانی کارەبا دەدا
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

وەزارەتی کارەبا روونکردنەوە لەبارەی ماوەی پێدانی کاتژمێرەکانی کارەبا دەدا

 

وەزارەتی کارەبای حکوومەتی هەرێمی کوردستان روونکردنەوەیەکی لەبارەی ماوەی پێدانی کاتژمێرەکانی کارەبا بڵاوکردەوە.

لە روونکردنەوەکەی وەزارەتی کارەبا کە کۆپییەکی بە (باسنیوز) گەیشتووە و تێیدا هاتووە: "رۆژانە 3200 مێگاوات كارەبا بەرهەم دەهێنرێت و خواستی بەكارهێنانی كارەبا بۆ 4200 مێگاوات بەرزبووەتەوە، لەگەڵ ئەوەی وەزارەتی كارەبا توانی ئاستی بەرهەمهێنانی كارەبا رۆژانە بۆ 3200-3300 مێگاوات بەرز بكاتەوە، بەڵام بەهۆی نزمی پلەكانی گەرما و زیادبوونی خواست لەسەر بەكارهێنانی كارەبا بۆ 4200 مێگاوات، كە لەماوەی یەك هەفتەدا بەكارهێنانی كارەبا 1100 مێگاوات زیادیكردووە، بەمەش ماوەكانی پێدانی كارەبا رۆژانە 15 بۆ 16 كاتژمێر دەدرێت".


وەزارەتی كارەبا ئەوەشی خستووەتە روو، کە لە هەوڵی بەردەوامدان بۆ زیادكردنی بەرهەمهێنانی كارەبا و تەواوبوونی پرۆژەكانی گواستنەوە و دابەشكردنی كارەبا كە دەبێتە هۆی كەمبوونەوەی بەفیڕۆدانی كارەبا و باشتر كۆنترۆڵكردنی، هاوكات لێژنەكانی نەهێشتنی سەرپێچیەكانیش لەم وەرزەدا بەشێوەیەكی فراوانتر و زیاتر دەست بە جێبەجێكردنی ئەركەكانیان دەكەن.

هەروەها وەزارەتی کارەبا داوا لەهاوبەشانی كارەبا دەکات کە لەم وەرزەدا زیاد لەپێویستی خۆیان كارەبا بەكار نەهێنن