پۆلیسی سلێمانی ئاگادارییەکی لەبارەی دوو منداڵی دۆزراوە بڵاو کردەوە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

پۆلیسی سلێمانی ئاگادارییەکی لەبارەی دوو منداڵی دۆزراوە بڵاو کردەوە

 

بەرێوەبەرایەتی پۆلیسی پارێزگای سلێمانی ئاگادارییەکی لەبارەی دوو منداڵی دۆزراوە بڵاوکردەوە و داوا لە کەسوکار یاخود هەركەسێك دەکات کە زانیاری لەبارەیانەوە هەیە پەیوەندییان پێوەبکەن.

بەپێی راگەیاندراوێکی پۆلیسی سلێمانی کە کۆپییەکی بە (باسنیوز) گەیشتووە و تێیدا هاتووە: "زوهرە و یوسف ناوی ئەو دوو منداڵە تەمەن 2 و 3 ساڵەن كە لە ڕۆژی 16ی9ی2020ەوە لەناو بازاڕی شاری سلێمانی دۆزراونەتەوە و كەسوكاریان دیار نییە و لە ئێستاشدا بەبڕیاری دادوەر لە ماڵی ساوایان لەگەڕەكی بەكرەجۆ لەشاری سلێمانی دەژین".

هەروەها پۆلیسی سلێمانی داوا لە كەسوكاریان یاخود هەركەسێك دەکات کە زانیاری لەبارەیانەوە هەیە پەیوەندی بە بنكەی پۆلیسی نەوجەوانان یاخود هێڵە گەرمەكانی بەڕێوەبەرایەتی پۆلیسی پارێزگای سلێمانییەوە بەم ژمارانەی خوارەوە بکەن:

0533194011 بەڕێوەبەرایەتی پۆلیسی پارێزگای سلێمانی
104 بەشی پۆلیسی فریاكەوتن
105 بەشی پۆلیسی نەهێشتنی تاوان