سوپاسنامەیەک لە پارێزگای هەولێرەوە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

سوپاسنامەیەک لە پارێزگای هەولێرەوە

 

هێمن قادر، پارێزگاری هه‌ولێر به‌ وه‌كاله‌ت لە پەیامێکدا سوپاسی سه‌رۆك بارزانی، سه‌رۆكی هه‌رێم، سه‌رۆك و جێگری سه‌رۆكی حكوومه‌ت و سه‌رۆكی په‌رله‌مانی كوردستان و سەرجەم به‌رپرسانی‌ حزبی و حكوومی و نوێنەری سەرجەم لایەنە سیاسییەکان و نوێنەرایەتی کونسڵخانە و باڵوێز و دبلۆماتکارانی وڵاتان کرد، كه‌ بەبۆنەی گیانلەدەستدانی د. فرسەت سۆفی، پارێزگاری هەولێر، پرسەنامە و هاوخەمی خۆیان پێڕاگەیاندوون و هەروەها ئه‌و كه‌س و لایه‌نانه‌ش كه‌ له‌ مه‌راسیمی پێشوازیكردن و به‌خاكسپاردنی تەرمەکەی له‌گه‌ڵیان به‌شداربوون.

ده‌قی په‌یامه‌كه‌:

بەناوی پارێزگای هەولێر، سوپاس و ستایشی خۆمان ئاراستەی جەنابی سەرۆك بارزانی، رێزدار نێچیرڤان بارزانی، سەرۆکی هەرێمی کوردستان، رێزدار مەسرور بارزانی، سەرۆکی حکومەتی هەرێمی کوردستان، رێزداران سەرۆکی پەرلەمانی کوردستان و جێگری سەرۆکی حکومەتی هەرێمی کوردستان و بەڕێزان وەزیر و پەرلەمانتار و کەسایەتییە سیاسی و ئیدارییەکانی هەرێمی کوردستان و عێراق و وڵاتانی ئیقلیمی و بەرپرسانی حزبی و حکومی و نوێنەری سەرجەم لایەنە سیاسیەکان و نوێنەرایەتی کونسلخانە و باڵیۆز و دبلۆماتکارانی وڵاتان و هەموو ئەوانە دەکەین، کە بەبۆنەی گیانلەدەستدانی خوالێخۆشبوو د.فەرسەت سۆفی، پارێزگاری هەولێر، پرسەنامە و هاوخەمی خۆیان پێڕاگەیاندین.

سوپاس بۆ هەموو ئەوانەشی لەڕێگەی تەلەفۆن یان ناردنی پەیام، هاوخەمی خۆیان بۆ گیانلەدەستدانی خوالێخۆشبوو د.فەرسەت سۆفی گەیاند، هەروەها بەپێویستی دەزانین جارێکی تر زۆر سوپاسی سەرۆکی هەرێمی کوردستان و نوێنەری سەرۆك وەزیرانی عێراق و جێگری سەرۆکی حکومەتی هەرێمی کوردستان و سەرۆکی پەرلەمانی کوردستان و دەستەی سەرۆکایەتی و وەزیر و پەرلەمانتاران و پارێزگارانی (سلێمانی، دهۆك، هەڵبجە) و سەرۆکی حزب و کەسایەتییە سیاسییەکان و بەرپرسانی حکومی و نوێنەرایەتی کونسڵخانە و پیاوانی ئاینی بکەین، کە بەشادراربوون لەڕێوڕەسمی هێنانەوەی تەرمی جوانەمەرگ.

هەروەها زۆر سوپاس بۆ بەشداری فراوانی جەماوەری خۆشەویستی شاری هەولێر و شارەکانی تری کوردستان لە کاسبکار و کرێکار و قوتابی و هونەرمەند و وەزشوان و رۆژنامەنووسان و شاعیر و نووسەر و تەواوی چین و توێژەکان لەمەراسیمی بەخاك سپاردنی تەرمی جوانەمەرگ د.فەرسەت سۆفی.

بەشداریتان و گەیاندنی پرسەنامە و هاوخەمیتان، لەکۆست و خەم و ئازاری ئێمه‌ بۆ گیانلەدەستدانی خوالێخۆشبوو د.فەرسەت سۆفی، کەمکرده‌وه‌، لەکۆتایدا سوپاس بۆ میدیا و کەناڵەکانی راگەیاندن و پەیامنێرەکانیان، زۆر سوپاس بۆ بەشی پڕۆتۆکۆڵی سەرۆکایەتی هەرێمی کوردستان و ئەنجومەنی وەزیرانی حکومەتی هەرێمی کوردستان، کە لەڕێکخستنی رێورەسمی هێنانه‌وەی تەرمی خوالێخۆشبوو و مەراسیمی بەخاسپاردنی، ئەرك و ماندوبوونی زۆریان کێشا لەگەڵمان.

دووبارە زۆر سوپاس بۆ هەموولایەك.

هێمن قادر
پارێزگاری هەولێر/ بەوەکالەت
2020.11.22