كچی به‌یان بۆمبا: دەنگۆی كۆچی دوایی دایكم دوورە لە ڕاستییەوە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

كچی به‌یان بۆمبا: دەنگۆی كۆچی دوایی دایكم دوورە لە ڕاستییەوە

 دوای ئەوەی دەنگۆی كۆچی دوایی به‌یان مه‌حمود بۆمبا، خانمه‌ هونه‌رمه‌ندی كورد بڵاو بووەوە، كە نزیكه‌ی مانگێكه‌ تووشی په‌تای كۆرۆنا بووه‌، كچێكی ئەو هونەرمەندە ڕەتی دەكاتەوە دایكی كۆچی دوایی كردبێ و دەڵێ "ڕه‌وشی ته‌ندروستیی باشه"‌.

ئه‌مڕۆ یه‌كشه‌ممه‌ 2020/11/22، ده‌نگۆی كۆچی دوایی خاتوونی هونەرمەند به‌یان بۆمبا له‌ تۆڕه‌ كۆمه‌ڵایه‌تییه‌كاندا بڵاو كراوه‌ته‌وه‌، ئه‌مه‌ش نیگه‌رانی لای خانه‌واده‌ و هاوڕێیانی ئه‌و خانمه‌ هونه‌رمه‌نده‌ دروست كردووه‌. ئیڤان بارزان، كچی به‌یان بۆمبا، ڕوونكردنه‌وه‌یه‌كی له‌ تۆڕه‌ كۆمه‌ڵایه‌تییه‌كاندا بڵاو كردووه‌ته‌وه‌ و نیگه‌رانن له‌ بڵاو كردنه‌وه‌ی ئه‌و هه‌واڵانه‌، ئاشكراشی كردووه‌ كه‌ ڕه‌وشی ته‌ندروستیی دایكی باشه‌، ده‌شڵێ: "به‌ڕاستی بێزاربووین له‌و هه‌واڵانه‌".

ئه‌و خانمه‌ ئه‌كته‌ره‌، دوای توشبوونی به‌ په‌تای كۆرۆنا، ئێستا ڕه‌وشی ته‌ندروستیی باشه‌ و له‌ ماڵه‌وه‌ پشوو ده‌دات.

به‌یان مه‌حموود بۆمبا، خه‌ڵكی سلێمانییه‌، له‌ ساڵانی هه‌شتاكانی سه‌ده‌ی ڕابردوودا ده‌ستی به‌ كاری هونه‌ری كردووه‌، به‌شداری چه‌ندان فیلم و زنجیره‌ دراما و شانۆگه‌ری كردووه‌.