توركیا بۆ ئەمریكا: بە زمانی سزا قسەمان لەگەڵ بكەن خۆتان زیانتان پێ دەگات
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

توركیا بۆ ئەمریكا: بە زمانی سزا قسەمان لەگەڵ بكەن خۆتان زیانتان پێ دەگات

ئیبراهیم كاڵن گوتەبێژی سەرۆكایەتیی كۆماری توركیا، لەبارەی سەپاندنی سزا بەسەر توركیا بە توندی وەڵامی ئەمریكا دەداتەوە و ڕوو بە ئەمریکا ڕای گەیاندووە ئەگەر بە زمانی سزادانی توركیا قسەمان لەگەڵ بكەن، خۆتان زیانتان پێ دەگات.

كاڵن لە دیمانەیەكیدا لەگەڵ تەلەفزیۆنی (NTV)ی توركی، باسی لە هەنگاوەكانی ئەمریكا لەبارەی توركیا کردووە و بێمنەتیی توركیای لە هەر سزایەكی ئەمریكا نیشان دا.

كاڵن لەبارەی كڕینی مووشەكی بەرگریی S400 لە رووسیا گوتی: "ئێمە ٦ ساڵ لەگەڵ ئەمریكا گفتوگۆمان كرد تا مووشەكی بەرگریی پاتریۆتیمان پێ بفرۆشێت، بەڵام ئەوان گوێیان پێ نەداین، بەڵام كاتێك ئەو رێككەوتنەمان لەگەڵ رووسیا واژۆ كرد بۆ كڕینی S400،  ئینجا ئەمریكا هاتوهاواریان لێ هەستا. ئەوان ئەگەر بە زمانی سزادان قسە لەگەڵ توركیا بكەن، خۆیان زیانیان پێ دەگات".

گوتەبێژی سەرۆکایەتیی کۆماری باسی لەوەش كرد، هێزی توركیا لە ئازەربایجانە، ئەو هێزەش بۆ خاڵی چاودێریی ناوچەی قەرەباغە و توركیا رۆڵێكی سەرەكیی لەو رێككەوتنەدا دەبێت.