لە دیالە چوار ئەندامی خێزانێك لە ڕووبارێكدا خنکان
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

لە دیالە چوار ئەندامی خێزانێك لە ڕووبارێكدا خنکان

بەرەبەیانی ئەمڕۆ یەكشەممە چوار ئەندامی خێزانێك لە قەزای باقووبەی ناوەندی پارێزگای دیالە کە سەرنشینی ئۆتۆمبێلێک بوون، بە ئۆتۆمبێلەکەوە كەوتوونەتە ناو رووبارێكی قەزاكەوە و گیانیان لەدەست داوە.

نیهاد محەمەد، گوتەبێژی پۆلیسی پارێزگای دیالە، بە (باسنیوز)ی راگەیاند: "بەرەبەیانی ئەمڕۆ یەكشەممە 22/11/2020، لە قەزای باقووبەی ناوەندی پارێزگای دیالە، ئۆتۆمبیلێك كەوتووەتە ناو رووباری "خرێسانە"وە و بەو هۆیەوە چوار ئەندامی خێزانێك خنکاون."

گوتیشی: "قوربانییەکان کە هەموویان ئەندامی خێزانێک بوون، دوو ئافرەت و پیاوێك و منداڵێک بوون کە هەموویان خنكاون و دواتر تەرمەكانیان دەرهێنراوە."