سعودیە دوای هەڕەشەکەی عەسایب دەستبەرداری وەبەرهێنانێک لە عێراق دەبێت
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

سعودیە دوای هەڕەشەکەی عەسایب دەستبەرداری وەبەرهێنانێک لە عێراق دەبێت

شانشینی عەرەبستانی سعودیە دوای هەڕەشەکەی میلیشیای عەسایب ئەهلی حەق، دەستبەرداری وەبەرهێنان لە عێراق دەبێت.

پێشتر سعودیە و عێراق رێککەوتبوون لەسەر وەبەرهێنانی کشتوکاڵی و ئاژەڵداریی کۆمپانیا سعودییەکان لە هەزاران دۆنمی بیابانەکانی باشووری عێراق، بەڵام عەسایب ئەهلی حەق دژایەتیی خۆی بۆ ئەو پرۆژەیە راگەیاندبوو و داوای وەستاندنی کردبوو.

ئەمڕۆ یەکشەممە 22-11-2020، محەمەد خەفاجی، وەزیری کشتوکاڵی عێراق بە رۆژنامەی (سەباح)ی فەرمیی وڵاتەکەی راگەیاندووە، سعودیە داوای لێبووردنی کردووە و رایگەیاندووە، ناتوانن ئەو پرۆژەیە لە عێراق جێبەجێ بکەن.

محەمەد خەفاجی هۆکاری دەستبەرداربوونی سعودیە لەو پرۆژەیەی وەبەرهێنانی بۆ ئەوە گەڕاندووەتەوە، کە وەزارەتی کشتوکاڵی عێراقی ناتوانێ ئاو بۆ ئەو پرۆژەیە دابین بکات.