بەهاری چل چیای شاعیر (پشکۆ) ناسێنرا
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

بەهاری چل چیای شاعیر (پشکۆ) ناسێنرا

 

لە ئێوارە کۆڕێکی شایستەدا، کە بە خولەكێك وەستان بۆ گیانی پاكی د. فرسەت سۆفی پارێزگاری هەولێر دەستیپێکرد، پەرتووكی (بەهاری چل چیا)ی شاعیر، عوسمان عومەر مام یەحیا (پشكۆ) ناسێنرا.

(به‌هاری چل چیا) په‌رتووكێكی ئه‌ده‌بییه‌ له‌ شیعرو لێكۆڵێنه‌وه‌ پێكدێت، تایبه‌ته‌ به‌ شیعرو شاعیریه‌تی (عوسمان عمر مام یه‌حیا- پشكۆ)، كه‌ له‌لایه‌ن (په‌یوه‌ست خۆشناو)ه‌وه‌ ئاماده‌كراوه‌و توێژینه‌وه‌ی بۆ كراوه‌ و له‌سه‌ر دوو ته‌وه‌ره‌ی سه‌ره‌كی کاری لەسەرکراوە، یه‌كه‌میان تایبه‌ته‌‌ به‌ ژیانی شاعیرو دووه‌میشیان تایبه‌ته‌ به‌‌ شیعره‌كانی شاعیر، كه‌ ناوه‌رۆكی پەرتووکەکە به‌م شێوه‌یه‌ دابه‌شكراوه‌: سەره‌ڕای پێشەكی و پێڕست، لە چوار بەش پێك دێت، بەشی یەكەم لە دوو تەوەرە پێك دێت: تەوەرەی یەكەم تایبەتە بە ژیانی شاعیرو چەند تێبینییەك لە بابەت شیعرەكانی شاعیرو پەرتووكی بەهاری چل چیا، تەوەرەی دووەمیش تایبەتە بە توێژینەوەیەك لە بابەت رووخسارو ناوەرۆكی شیعرەكانی شاعیرو بەنموونەی شیعرەكان سەرنج و تێبینیەكان خراونەتەروو، لە بەشی دووەمیشدا شیعرەكانی شاعیر دەرخراون و بەشی سێیەمیش تایبەت كراوە بە چوارینەكانی شاعیرو، بەشی چوارەم و كۆتایش تایبەتە‌ بەچەند بەڵگەو دەستنووس و وێنەو یادەوەرییەكی شاعیر.

ئه‌م په‌رتووكه‌ له ‌(٤٥٦) لاپه‌ڕه‌ پێك دێت و به‌ تیراژی (٢٠٠٠ دانه‌) چاپكراوه‌ و دیزاینی به‌رگه‌كه‌ی له‌لایه‌ن مامۆستا (عادل زرار) و دیزاینی ناوه‌وه‌ش لەلایەن (سۆران تاوده‌ر) بۆ كراوه‌ و به‌سه‌رپه‌رشتی (بێستون عوسمان پشكۆ) چاپكراوه‌.