پزیشکێکی ئەڵمانی بە تۆمەتی کوشتنی دوو تووشبووی پەتای کۆرۆنا، دەستگیر دەکرێت و دان بە تاوانەکەیدا دەنێت.
پۆلیسی ئەڵمانیا رایگەیاندووە، پزیشکەکە لە مانگی 2ـی ئەمساڵەوە لە نەخۆشخانەیەکی شاری ئیسن لە رۆژئاوای ئەڵمانیا کاری کردووە و رۆژی چوارشەممەی رابردوو دەستگیر کراوە.
پزیشکەکە، کە تەمەنی 44 ساڵە و یەکێکە لە پزیشکە باشەکانی شارەکەی، دانی بەوەدا ناوە، کە تووشبووێکی کۆرۆنای بە ماددەیەکی بکوژ کوشتووە و هۆکارەکەشی بۆ سنووردانان بۆ ئازاری ئەو تووشبووە و مەینەتیی کەسوکارەکەی گەڕاندووەتەوە.
پۆلیس رایگەیاندووە، پزیشکەکە دوو تووشبووی تەمەن 47 و 50 ساڵی کوشتووە، کە باری تەندروستییان زۆر خراپ بووە.