كوردی عربي بادینی
Kurdî English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
×

هاتوچۆ لە ئێران و رۆژهەڵاتی کوردستان بە تەواوی قەدەغە کرا

حکوومەتی کۆماری ئیسلامیی ئێران بەهۆی پەتای کۆرۆناوە، قەدەغەی هاتوچۆی تەواوەتی لە وڵاتەکەیدا راگەیاند.

میدیای فەرمیی ئێران بڵاوی کردووەتەوە، کە قەدەغەی هاتوچۆی تەواوەتی لە سەرلەبەیانیی ئەمڕۆ شەممە 21-11-2020ـەوە تا ماوەی دوو هەفتە، بەردەوام دەبێت.

بەپێی بڕیارەکەی حکوومەتی ئێران، لە کاتژمێر 9ـی شەو تا کاتژمێر 4ـی بەرەبەیان هاتوچۆکردن لە 160 شار بە تارانی پایتەخت و رۆژهەڵاتی کوردستانیشەوە، بە تەواوی قەدەغەیە.

جگە لە قەدەغەکردنی هاتوچۆ بەهۆی بڵاوبوونەوەی پەتای کۆرۆناوە، حکوومەتی ئێران بڕیاری داوە یەک لەسەر سێی فەرمانبەران دەوام بکەن.

تا ئێستا 828 هەزار و 377 کەس لە ئێران تووشی پەتای کۆرۆنا بوون و لەو ژمارەیەشدا، 43 هەزار و 896 کەس گیانیان لەدەست داوە.