کۆمپانیای مۆدێرنا سەرکەوتنی پێکوتەی کۆرۆنای راگەیاند
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

کۆمپانیای مۆدێرنا سەرکەوتنی پێکوتەی کۆرۆنای راگەیاند

ئەمڕۆ كۆمپانیای مۆدێرنا، لە راگەیاندراوێكدا سەركەوتنی لە دروستكردنی پێكوتەی پەتای كۆرۆنادا ڕاگەیاند، كە ڕێژەی كاریگەرییەكەی 94.%ـە.

ئەمڕۆ دووشەمە (16/ 11/ 2020) کۆمپانیای مۆدێرنا راگەیاندنێکی بڵاو کردەوە و دەڵێ کاریگەریی پێکوتەکەیان دژ بە ڤایرۆسی کۆرۆنا بە رێژەی 94.5% دەرکەوتووە.

لە راگەیاندنەکەیاندا هاتووە: “دوای شیکاریی کاتی و سەرەتایی بۆ ئەنجامەکانی قۆناغی سێیەمی تاقیکردنەوەکان، کاریگەریی بنەڕەتی پێکوتەکەمان بە رێژەی 94.5%  دەرکەوتووە”.

راگەیاندنی کۆمپانیاکە ئاشکرای کردووە، ئەنجامە بەراییەکان پشتیان بەستووە بە 95 حاڵەتی جۆراوجۆر و جیاواز لە خەڵکی بەڕەسەن (ئەمریکی و ئەفریقی و ئاسیایی). دەشڵێ، هیچ نیشانەیەکی مەترسیشیان لێ نەدیوە.

گوتیشی: “بەهۆی دەرکەوتنی ئەنجامی چەندین حاڵەتی جۆراوجۆر، کۆمپانیاکە پێشبینی دەکات رێژەی کارایی پێکوتەکە گۆڕانکاری بەسەردا بێت”.

کۆمپانیاکە ئاماژەی بۆ ئەوەش کردووە، کە سوورە لەسەر پێشکەشکردنی داواکاریی رێگەپێدان بە بەکارهێنانی بەپەلە لە ماوەی چەند هەفتەیەکی کەمی داهاتوودا.

کۆمپانیا پێشتر رای گەیاندبوو، ئەگەر کاریگەریی پێکوتەکەیان لانی کەم بە رێژەی  70% دەربکەوێ، ئەوا داوای مۆڵەتی بەپەلە لە دەستەی تەندروستی دەکات.

چوارشەمەی رابردوو، کۆمپانیای مۆدێرنا لە قۆناغی کۆتایی تاقیکردنەوەکەی لەسەر پێکوتەکەیان، بەشداریی بە زیاتر لە 30 هەزار کەسدا کرد.