كوردی عربي بادینی
Kurdî English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
×

هەولێر.. بە هۆی پابەندنەبوونیان بە رێنوێنییە تەندروستییەکان ژمارەیەک چێشتخانە و نانەواخانە داخران

لە سنووری ناحیەی بەحرکەی سەر بە پارێزگای هەولێر تیمه‌كانى نەهێشتنی سەرپێچی بە هۆی پابەندنەبوون بە رێنوێنییە تەندروستییەکان هەشت چێشتخانە و پێنج نانەواخانەیان داخست.

سه‌لیم شه‌ریف،سه‌رۆكى لیژنه‌ى نه‌هێشتنى سه‌رپێچییه‌كان له‌ شاره‌وانیى به‌حركه‌ به‌ (باسنیوز)ى ڕاگه‌یاند: "ڕۆژی یەکشەممە تیمه‌كانمان له‌ به‌ڕێوبه‌رایه‌تیى شاره‌وانیی به‌حركه‌ سه‌ردانى چەندین چێشتخانە و نانەواخانە و مارکێتمان کرد لە سنووری ناحیە بەحرکە بەمەبەستی بەدواداچوون و سزادانی ئەو کەسانەی کە سەرپێچی دەکەن".

ڕاشیگه‌یاند: "له‌و بەدواداچوونەدا هه‌شت چێشتخانه‌ و پێنچ نانه‌واخانه‌ به‌ هۆى پابه‌ندنه‌بوون به‌ ڕێنوێنییه‌ ته‌ندروستییه‌كان داخران و ده‌ست به‌سه‌ر بڕێکی زۆر لە خۆراکی ماوه‌به‌سه‌رچوودا گیرا و دواتر له‌ناوبران".