"حاڵەتەکانی توندوتیژى بەرامبەر ئافرەتان و خێزان لە هەرێمى کوردستان کەمیان کردووە"
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

"حاڵەتەکانی توندوتیژى بەرامبەر ئافرەتان و خێزان لە هەرێمى کوردستان کەمیان کردووە"

بەڕێوەبەرایەتیى گشتیى بەرەنگاربوونەوەى توندوتیژى دژى ئافرەتان رایدەگەیەنێت بەراورد بە ساڵى پار رێژەى توندوتیژى بەرامبەر ئافرەتان و خێزان لە هەرێمی کوردستان کەمی کردووە.

رەوەند سابیر، بەڕێوەبەرى راگەیاندن و پەیوەندییەکانى بەڕێوەبەرایەتیى گشتیى بەرەنگاربوونەوەى توندوتیژى دژى ئافرەتان و خێزان لە هەرێمى کوردستان بە (باسنیوز)ى راگەیاند: "بەراورد بە شەش مانگى یەکەمى ساڵى رابردوو، رێژەى توندوتیژى بەرامبەر ئافرەتان و خێزان لە سەرجەم شار و شارۆچکەکانى هەرێمى کوردستان کەمی کردووە، ئەمەش بە هەوڵ و ماندووبوونى کارمەندان و تیمەکانى بەهاناوەچوونى بەڕێوەبەرایەتییەکان".

راشیگەیاند: "لەگەڵ بڵاوبوونەوەى پەتاى کۆڕۆنا رێژەى توندوتیژى بەرامبەر ئافرەتان و خێزان لە کۆمەڵگەدا کەمى کردووە،ئەمە سەرەڕاى کارکردنى بەردەوامى فەرمانبەران و هەبوونى هێڵى ژمارە 119 ى تایبەت بە راوێژی یاسایى و دەروونىی بەڕێوەبەرایەتیى گشتى".

ئاماژەى بە ئەوەش کرد" لە رێگەى هێڵى گەرمى 119ەوە راوێژکارانى یاسایى ودەروونى بەرامبەر یارمەتى و هاوکارى پێشکەش بە ئەو کەسانە دەکەن، کە تووشی کێشەى خێزانی دەبن، یان ئەو کەسانەى توندوتیژییان بەرامبەر دەکرێ، بە هەموو جۆرەکانیەوە، لەوانەش توندوتیژى دەروونى و سێکسى".