كوردی عربي بادینی
Kurdî English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
×

رازەمەندی ل سەر چێكرنا پرۆژەكی مەزن یێ‌ گەشتیاری ل ناحیا سەرسنكێ‌ هاتیە كرن

رێڤەبەرێ‌ ناحیا سەرسنكێ‌ ل دهۆكێ‌ دیاركركو ل هنداڤێ‌ ناحیا سەرسنكێ‌ دێ‌ دەست ب دانانا پرۆژەكی مەزن یێ‌ گەشتیاری هێتە كرن. دێ‌ ناحیا سەرسنكێ‌ و چیایێ‌ گارە پێكڤە گرێدەت بۆ زێدەتر بهێزكرنا بزاڤا گەشتیاری دهەموو وەرزێن سالێ دا ل سەرسنكێ‌.

نشوان حسنی، رێڤەبەرێ‌ ناحیا سەرسنكێ‌ ل دهۆكێ‌ بۆ (باسنیوز) دیار كر كو: "بۆ جارا ئێكێ دیزاین و نەخشە هاتینە دانان بۆ چێكرنا پرۆژەكی گەشتیاری یێ‌ مەزن. دپرۆژێدا دێ تلفریك هێتە دانان، دێ‌ ناحیا سەرسنكێ‌ دگەل چیایێ‌ گارە پێكڤە گرێدەت. نۆكە كۆمپانیەكا كەرتێ تایبەت رێڤەبرنا ڤێ‌ پرۆژێ رادبیت. مە وەكو رێڤەبەریا ناحیا سەرسنكێ‌ رازەمەندی ل سەر چێكرنا پرۆژێ كریە ومۆلەت پێ‌ هاتیە دان و كۆمپانیی كارێ خۆ ب رێڤە دبەت".

 ئاشكەرا كر كو: "پرۆژە یێ‌ پێگهاتیە ژ تلفریك و جهێن گەشتیاری و ئوتێل وموتێل دهێنە چێكرن. دەڤەرا سەرسنكێ‌ پرۆژەكی گەلەك مەزن وارێ گەشتیاری دا دێ‌ ل سەرسنكێ‌ دەست پێ‌ هێتە كرن".

نشوان حسنی، گۆت: "ئەڤ پرۆژە دێ‌ روویەكی دێ‌ یی گەشتیاری دەتە دەڤەرا سەرسنكێ‌. هەموو وەرزێن سالێ دا دێ‌ پێشوازیا گەشتیاران كەت. نەخاسمە د وەرزێ زڤستانێ‌ دا چونكو گەلەك بەفر ل چیایێ‌ گارە دهێت دێ‌ گەشتیار پتر قەستا سەرسنكێ‌ كەن".