وەرزی ڕنینی هەناری شارەبان لە سنووری دیالە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

وەرزی ڕنینی هەناری شارەبان لە سنووری دیالە

سەردەمانێك هەناری شارەبان لەسەر ئاستی كوردستان و عێراق بەناوبانگترین بووە هەروەك چۆن ماستی هەولێر و گوێزی هەورامان بەناو بانگ بووە و بەچێژە، ئەویش خواستی زۆری لەسەر بووە.

ئێستا كە وەرزی پاییزە و كاتی پێگەیشتنی هەنارە، هەناری شارەبان بەناوبانگترین هەنارە لە سنووری ناوچە کوردستانییەکانی دیالە، سەرباری ئەوەی لەم چەند ساڵەی دواییدا وەك پێویست بایەخ بە باخداری نادرێت، بەڵام داواكاری لەسەر هەناری شارەبان زۆرە.

لە شارەبان سەدان باخە میوەی جۆراوجۆر هەیە، كە زۆرترینیان باخی هەنار و پەرتەقاڵ و خورمایە، هەروەها خاوەنی نزیكەی 10 هەزار دۆنم زەویی كشتوكاڵییە و بەشێك لە كوردانی فەیلی لەو شارۆچكەیە دەژین و بە ناوچەیەکی بەپیت لەڕووی کشتوکاڵییەوە دێتە ئەژمار.