شارەزایەکى بوارى وزە: زیانەکانى تەقاندنەوەى بۆڕیى نەوتى کوردستان رۆژانە زیاتر لە 10 ملیۆن دۆلارە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

شارەزایەکى بوارى وزە: زیانەکانى تەقاندنەوەى بۆڕیى نەوتى کوردستان رۆژانە زیاتر لە 10 ملیۆن دۆلارە

شارەزایەکى بوارى نەوت ئاشکرای دەکات تەقاندنەوەى بۆڕى گواستنەوەى نەوتى کوردستان بۆ تورکیا، رۆژانە زیانى زیاتر لە 10 ملیۆن دۆلار بە ئابووریى هەرێمى کوردستان دەگەیەنێت.

د. بێوار خنسى، شارەزاى بوارى وزە و راوێژکارى پێشووى ئەنجوومەنى ئاسایشى هەرێمى کوردستان بۆ کاروبارى وزە بە (باسنیوز)ى رایگەیاند: "تەقاندنەوەى بۆڕى گواستنەوەى هەناردەکردنى نەوتى هەرێمى کوردستان بۆ بەندەرەکانى تورکیا، زیانێکى زۆرى بە ئابووریی هەرێمی کوردستان گەیاندووە، بە جۆرێک زیانەکە بە 10 بۆ 12 ملیۆن دۆلار خەمڵێندراوە بۆ هەر رۆژێک، چونکە ئەم بۆڕییە یەکێکە لە بۆڕییە سەرەکییەکان".

راشیگەیاند: "تەقاندنەوەى بۆڕیى گواستنەوەى نەوتى هەرێمی کوردستان لەم کاتەدا کاریگەریى راستەوخۆى هەیە بۆ سەر دۆخى ئابوورى هەرێمی کوردستان، چونکە سەرچاوەى داهاتى بودجەى کوردستان بەشێوەیەکى سەرەکى پشت بە فرۆشتنى نەوت دەبەستێت، ئەمەش کاریگەرى لەسەر بژێوى خەڵکى کوردستان دەبێ".

ئاماژەى بە ئەوەش کرد" حکوومەتى هەرێمی کوردستان هەوڵەکانى خستووەتە گەڕ بۆ خێرا چاککردنەوەى بۆڕییەکە، چونکە بەهۆی لەکارکەوتنى ئەم بۆڕییە تەواوى پڕۆسەکانى دەرهێنان و گواستنەوەى نەوت وەستاوە، پێویستە حکوومەتى عێراق هەڵوێستى هەبێت لەسەر کردەوەکە چونکە تا ئێستاش هەرێمى کوردستان بەشێکە لە عێراق و تەقاندنەوەى بۆڕییەکە لێدانە لە بەرژەوەندییەکانى ئەو وڵاتە".