رێڤەبەرێ نەخۆشخانا هیڤی یا زارۆكا ل پارێزگەها دهۆكێ دیار كر كو پشتی بۆ دەمێ حەفت هەیڤ و 14 رۆژان نشتەگەریێ ژبەر نەخۆشیا كۆرۆنایێ ل نەخۆشخانا هێڤی هاتینە راوەستاندن. ئەڤرۆ 31/10/2020ێ جارەكا دی دەست ب ئەنجامدانا هەموو جۆرێن نشتەگەریان ل نەخۆشخانا هیڤی یا زارۆكا هاتە كرن.
د. نزار بەكر، رێڤەبەرێ نەخۆشخانا هیڤی یا زارۆكا ل پارێزگەها دهۆكێ بۆ (باسنیوز) دیار كر كو: "ژبەر نەخۆشیا كۆرۆنایێ ل رۆژا 16/3/2020ێ ئەنجامدانا نشتەگەریان هاتینە راوەستاندن لێ ئەڤرۆكە جارەكا دی دەست ب ئەنجامدانا هەموو جۆرێن نشتەگەریان ل نەخۆشخانا هێڤی بۆ زارۆكان هاتە كرن. ئەوژی دێ لیستا ب تایبەتی ژی حالەتێن نەگەلەك تەنگاڤ دێ نۆژدار رۆژەكێ بۆ وێ دەست نێشان كەن بۆ ئەنجامدانا نشتەگەریێ، ئانكو لیستا رۆژانە دهێتە دانان دووڤ وێ لیستێ دێ نۆژدار دێ نشتەگەریان ئەنجام دەن".
ئاشكەرا كر كو: "پشتی بۆ دەمەكێ ژبەر كۆرۆنایێ نشتەگەریێن نە تەنگاڤ هاتینە راوەستاندن نۆكە جارەكا دی مە دەستپێكر. دڤان هەیڤێن نشتەگەریێ هاتینە راوەستاندن ژی گەلەك نشتەگەریێن تەنگاڤ هاتینە ئەنجامدان بۆ زارۆكان".