كۆسرەت ڕەسووڵ: نەجمەدین كەریم خزمەتێكی یەكجار گەورەی كەركووك و كەركووكییەكانی كردووە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

كۆسرەت ڕەسووڵ: نەجمەدین كەریم خزمەتێكی یەكجار گەورەی كەركووك و كەركووكییەكانی كردووە

 

سەرۆكی ئەنجوومەنی باڵای سیاسی و بەرژەوەندییەكانی یەكێتیی نیشتمانیی كوردستان رای گەیاند، دكتۆر نەجمەدین كەریم خزمەتێكی گەورەی میللەتی كوردی كردووە و ئەو كاتەی لە پۆستی پارێزگاری كەركووكدا بوو، خزمەتێكی یەكجار گەورەی كەركووك و كەركووكییەكانی كردووە.

پاش راگەیاندنی كۆچی دوایی دكتۆر نەجمەدین كەریم بەهۆی نەخۆشیی جەڵتەی مێشك. كۆسرەت ڕەسووڵ عەلی، سەرۆكی ئەنجوومەنی باڵای سیاسی و بەرژەوەندییەكانی یەكێتی پەیامێكی بڵاو كردەوە و تێیدا وێڕای هاوخەمی دەربڕین بۆ زانینی هەواڵی كۆچكردنەكەی، رای گەیاند: “دكتۆر نەجمەدین كەریم سیاسەتمەدار و دیپلۆماتكار و تێكۆشەرێكی گەورەی گەلەكەمان بوو”.

ڕوونیشی كردۆتەوە، نەجمەدین كەریم “لە ژیان و خەباتی زیاتر لە نیو سەدەی خۆیدا لە كوردستان و لە دەرەوەی وڵات، خزمەتێكی یەكجار گەورەی بە میللەتەكەمان كردووە، هەمیشە خەباتی دەكرد لەپێناو میللەتەكەمان و خۆشگوزەرانیی زیاتر و گەیشتن بە مافە ڕەواكانمان لە سەردەمی كاركردنی وەك پارێزگاری كەركوك لە ڕووی خزمەتگوزاری و بەرقەراربوونی دۆخی ئەمنی و پێكەوە ژیان لە شارەكە توانی خزمەتێكی یەكجار گەورە بە كەركووك و كەركوكییەكان بكات”.

كۆسرەت ڕەسووڵ هەروەها جەختی كردۆتەوە، دكتۆر نەجمەدین “بەداخەوە ئەمڕۆ كۆچی دوایی كرد و بۆ هەتا هەتایە هەموومانی جێهێشت، خەمی كۆچی دوایی و لەدەستدانی دكتۆر نەجمەدین كەریم ئازارێكی قووڵە و هەموومان نیگەرانین، پرسە و سەرەخۆشی و هاوخەمیی خۆم ئاراستەی خۆمان و خانەوادە تێكۆشەرەكەیان دەكەم، داواكارم خوای گەورە سەبووریی هەموومان بدات و كۆچكردووش جێگای بەهەشتی بەرین بێت”.