پۆلیسی راپەڕین: هەڵمەتی دەستگیرکردنی سواڵکەرەکان بەردەوامە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

پۆلیسی راپەڕین: هەڵمەتی دەستگیرکردنی سواڵکەرەکان بەردەوامە

پۆلیسی ڕاپەڕین ڕایدەگەیەنێت، هاوشێوەی ڕابردوو بەردەوامین لە دەستگیرکردنی ئەو کەسانەی سواڵ دەکەن و لەو نێوەندەشدا چەندین سواڵکەر دەستگیر کراون.

شۆڕش ئیسماعیل، گوتەبێژی پۆلیسی ڕاپەڕین، بە (باسنیوز)ی ڕاگەیاند: "لە چوارچێوەی هەوڵە بەردەوامەکانماندا بۆ بنەبڕکردنی دیاردەی سواڵکردن لە سنوورەکەمان، پۆلیسی ڕاپەڕین بەردەوامە لە دەستگیرکردنی ئەو کەسانەی سواڵ دەکەن، لەبەر ئەوەی سواڵکردن بە پێی یاسا ڕێگەپێدراو نییە و تا ئێستاش چەندین کەسمان لەسەر ئەو کارە دەستگیر کردووە کە کەسانی هەرزەکاریشیان تێدایە".

گوتیشی: "ئەم کارەمان لە چوارچێوەی هەڵمەتێکدا نەماوەتەوە، چونکە لە ڕابردووشدا چەندین سواڵکەرمان دەستگیر کردووە و ئێستاش بەردەوامین، لەسەر سواڵکردنیش زۆرترین دۆسیەمان کردووەتەوە".