كوردی عربي بادینی
Kurdî English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
×

شارەبان.. تیرۆریستانی داعش ئاژەڵێکیان لەنێو ئاپۆڕای خەڵک تەقاندەوە

سێ کەس گیانیان لەدەست دا و دووی دیکەش بریندار بوون

ئێوارەی ئەمڕۆ لە سنووری قەزای شارەبان لە رۆژهەڵاتی پارێزگای دیالە، تیرۆیستانی داعش ئاژەڵێکی بۆمبڕێژکراویان تەقاندەوە و بەو هۆیەوە سێ کەس گیانیان لەدەست دا.

نیهاد محەمەد، گوتەبێژی پۆلیسی دیالە بە (باسنیوز)ی راگەیاند: "ئێوارەی ئەمڕۆ سێشەممە 27/10/2020، تیرۆریستانی داعش لە سنووری قەزای شارەبان گامێشێکیان بۆمبڕێژ کردبوو و بە سەربڕاویی جێیان هێشتبوو بۆ ئەوەی دواتر خەڵک لێی کۆببێتەوە و بیتەقێننەوە".

گوتیشی: "پاش کۆبوونەوەی ژمارەیەک هاووڵاتی لە دەوری لاشەی ئاژەڵەکە تەقییەوە و لە ئەنجامدا سێ کەس گیانیان لەدەست دا و دوو کەسی دیکەش بریندار بوون".