14 سەرۆك باژێرڤانیێن دهۆكێ‌ هاتنە گوهۆرین
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

14 سەرۆك باژێرڤانیێن دهۆكێ‌ هاتنە گوهۆرین

ب بریارا ئەنجوومەنێ‌ وەزیرێن حكوومەتا هەرێما كوردستانێ‌، ئەڤرۆ رۆژا دووشەمبی، رێكەفتێ ٢٠٢٠/١٠/٢٦، ل كۆچكا پارێزگەها دهۆكێ‌ 14 سەرۆكێن نوو یێن باژێرڤانیان ل پارێزگەها دهۆكێ كر هاتنە گوهۆرین.

ئەندازیار دیار بەحری، رێڤەبەرێ گشتی یێ باژێرڤانیێن پارێزگەها دهۆكێ بۆ (باسنیوز) دیار كر: "ل گۆرەی چوارچۆڤێ‌ گوهۆرینێن رێڤەبەران د كابینا نوو یا حكوومەتا هەرێما كوردستانێ‌ دا، 14 سەرۆكێن نوو یێن باژێرڤانیان ل پارێزگەها دهۆكێ هاتنە گوهۆرین و ئەڤە ژی قۆناغا ئێكێ‌ یا گوهۆرینێ‌ بوویە و ل بەرە ل دەمەكێ‌ نێزیك هژمارەكا دی یا سەرۆكێن باژێرڤانیان بهێنە گوهۆرین و یێن نوو دەست بكاربن".

ئاشكرا ژی كر كو: "بریارە ل چەند رۆژێن بهێت ژی هژمارەكا دی یا سەرۆك باژێرڤانیان ل سنوورێ‌ رێڤەبەریا گشتی بهێنە گوهۆرین و سەرجەمێ‌ وان دێ‌ بیتە نێزیكی 25 سەرۆك باژێرڤانی بهێنە گوهۆرین".