پولیسێن دهۆكێ ده‌سته‌سه‌ركرنا تومه‌تباره‌كێ راگه‌هاند
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

پولیسێن دهۆكێ ده‌سته‌سه‌ركرنا تومه‌تباره‌كێ راگه‌هاند

پولیسێن پارێزگه‌ها دهۆكێ ئه‌ڤرۆ 25/10/2020ێ ده‌سته‌سه‌ركرنا وێ تومه‌تبارى راگه‌هاند یێن كارێن دزى ژ مه‌زره‌عه‌ و خانیێن گه‌شتیارى ل دهۆكێ كرن.

هێمن سلیمان، په‌ێڤدارى پولیسین پارێزگه‌ها دهۆكێ بۆ (باسنیوز) راگه‌هاند: "پشتى تومه‌تباره‌كێ كارى خۆ كریه‌ دزینا كه‌ل وپه‌لێن مه‌زره‌عه‌ و خانیێن گه‌شتیارى ل ده‌ڤه‌را مانگیشكى ل پارێزگه‌ها دهۆكێ وتیمه‌ك ژ پولیسان هاته‌ پێك ئێنان ودوڤچوونا تومه‌تبارى كرن، پولیسێن نه‌هێلانا گونه‌هباریان نڤیسینگه‌ها برایه‌تى ل دومیز شیان ئه‌ڤى تومه‌تبارى ده‌سته‌سه‌ربكه‌ن و دانپێدان ب تاوانا خۆ كریه‌".

ئاشكه‌را كر: "دووڤ گوتنێن تومه‌تبارى ئه‌و و هه‌ڤاله‌كێ خۆ دگه‌ل ئێك بووینه‌ چووینه‌ لایێ مانگیشكى ئه‌و كه‌ره‌ستێن ناڤ مه‌زره‌عه‌ دا ئێنان وفرۆتن وپاره‌ ل سه‌ر ئێك به‌لاڤكرن وپتریا جاران ژى سپێدى زوو دچوون وهه‌ر تشته‌كێ بها بیت ژ ناڤ مه‌زره‌عه‌ دزین و برن بۆ فرۆتنى".