ل سه‌رسنكێ هژماره‌كا پرۆژان بۆ پێشڤه‌برنا گه‌شتوگوزارى دهێنه‌ ئه‌نجامدان
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

ل سه‌رسنكێ هژماره‌كا پرۆژان بۆ پێشڤه‌برنا گه‌شتوگوزارى دهێنه‌ ئه‌نجامدان

 

رێڤه‌به‌رێ ناحیا سه‌رسنكێ ل دهۆكێ دیاركركو ده‌ست ب ئه‌نجامدانا پرۆژه‌یێن گرنگ یێن گه‌شتوگوزارێ ل سه‌رسنكێ هاتیه‌ كرن و دپلانێ دایه‌ كۆمه‌كا پرۆژه‌یێن كه‌رتێ تایبه‌ت ل سه‌رسنكێ بهێنه‌ ئه‌نجامدان ب تایبه‌تى ژى وارێ گه‌شتوگوزارى دا".

نشوان حسنى، رێڤه‌به‌رێ ناحیا سه‌رسنكێ ل دهۆكێ بۆ (باسنیوز) دیاركركو: "پلان هاتیه‌ دانان چه‌ندێن پرۆژه‌یێن كه‌رتێ تایبه‌ت ل سه‌رسنكێ بهێنه‌ ئه‌نجامدان بۆ وێ چه‌ندێ ده‌لیڤێن كاركرنێ پتر ل سه‌رسنكێ په‌یدابن و ره‌وشا گه‌شتوگوزارى ژى پتر بهێته‌ پێشخستن. بۆ پێشڤه‌برنا كه‌رتێ گه‌شتوگوزارى ل سه‌رسنكێ پلان ئه‌و تلفریكا ل چیایێ گاره‌ هه‌تا سه‌رسنكێ بهێته‌ دروستكرن، هه‌روه‌سا ژى ئوتێلا به‌رى ل سه‌رسنكێ دهێته‌ نوژه‌نكرن. ئه‌ڤ ئوتێلا دێ خزمه‌ته‌كا مه‌زن بۆ پێشڤه‌برنا گه‌شتوگوزارى ل سه‌رسنكێ كه‌ت ".

نشوان حسنى، گۆت: "مه‌له‌ڤانگه‌ها ئولومپى دهێته‌ دروستكرن. نۆكه‌ ئه‌م یێ كار دكه‌ین ل سه‌ر بجه ئێنانا پرۆژێ تلفریكا گارە هه‌موو هه‌ولدان ئه‌ون ئاسته‌نگیێن بۆ ئه‌نجامدانا پرۆژان دروست بن ئه‌و ئاسته‌نگ بهێنه‌ راكرن داكو باشتر خزمه‌تا ناحیا سه‌رسنكێ بهێته‌ كرن ".

ئاشكه‌را كركو: "چه‌ندین كارگه‌ه ل ناحیا سه‌رسنكێ دهێنه‌ دانان. نۆكه‌ كار ل سه‌ر دانانا هژماره‌كا كارگه‌هان دكه‌رتێ تایبه‌ت دا ل سنورێ ناحیا سه‌رسنكێ دهێته‌ كرن".