ل دێرالۆكێ كاره‌بێ كه‌سه‌ك كۆشت
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

ل دێرالۆكێ كاره‌بێ كه‌سه‌ك كۆشت

به‌رى ده‌مه‌كێ كێم، ژ ئه‌گه‌رێ رۆیدانه‌كا نه‌چاڤه‌رێكرى یا شۆرته‌كێ كاره‌بێ، كه‌سه‌ك كۆ خه‌لكێ ناحیا دێرالۆك یا سه‌ر ب قه‌زا ئامێدیێ ڤه‌ گیانێ خۆ ژ ده‌ست دده‌ت.

د.شاكر ردێنى، رێڤه‌به‌رێ ساخله‌میا قه‌زا ئامێدیێ بۆ (باسنیوز) دیار كر: "شه‌ڤا شه‌مبى سه‌نته‌رێ ناحیا دێرالۆكێ یا سه‌ر ب قه‌زا ئامێدیێ ڤه‌، پشتى كۆ كه‌سه‌ك ب ناڤێ (ا.‌م) مێزى ـ رێكانى، توشى رۆیدانه‌كا نه‌چاڤه‌رێكرى یا شۆرته‌كێ كاره‌بێ بوى، ب دلگرانى ڤه‌ ، گیانێ خۆ ژ ده‌ستدایه‌".

گۆت ژی: "ئه‌و كه‌سه‌ دیاره‌ سه‌ر بانێ خانیه‌كێ كار دكر و كێڤلێن كاره‌بێ ل سه‌ر بانێ خانیه‌كێ دا ده‌رباز بوونه‌ و ژ نشكه‌كێ ڤه‌ تۆشى وێ رۆیدانا نه‌چاڤه‌رێكرى بوویه‌ كۆ كێڤلێن كاره‌بێ گه‌هشتنه‌ لاشێ وى و پشتى كاره‌بێ گرتى، ل سه‌ر بانێ خانى دا هاڤێته‌ خارهه‌ر ئێكسه‌ر گیانێ خۆ ژ ده‌ستدابوو چونكه‌ ده‌ما ته‌رمێ وى گه‌هشتیه‌ نۆژداریا داد یا ئامێدیێ، گیانێ خۆ ژ ده‌ست دابوو".

دۆپات ژى كر: "پشتى كۆ ژلایێ نۆژدارێن نۆژداریا داد ل ئامێدیێ پشكین ل سه‌ر لاشێ وى هاتین كرن و دیار بویه‌ ژ ئه‌گه‌رێ شۆرتێ كاره‌بێ گیانێ خۆ ژ ده‌ستدایه‌، لاشێ وى بۆ كه‌س و كارێن وى هاتیه‌ راده‌ستكرن و ل گۆرستانه‌كا ده‌ڤه‌رێ هاتیه‌ ڤه‌شارتن".