بەڕێوەبەری گشتیی باجی هەرێمی کوردستان: بەهۆی سەپێچییەوە 50 كۆمپانیا دراونەتە دادگا
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

بەڕێوەبەری گشتیی باجی هەرێمی کوردستان: بەهۆی سەپێچییەوە 50 كۆمپانیا دراونەتە دادگا

بەڕێوەبەری گشتیی باجی هەرێمی کوردستان ڕای گەیاند ژمارەیەك كۆمپا بەهۆی ئەوەی فێڵیان كردووە و خۆیان لە پێدانی باج دزیوەتەوە و بەڵگەنامەی ساختە و ڕاپۆرتی ناڕاستیان داوەتە حكوومەت، دراونەتە دادگا.

د. كەمال وەرتی، بەڕێوەرەی گشتی باجی هەرێمی کوردستان لە وەزارەتی دارایی و ئابووری بە (باسنیوز)ی راگەیاند: "لە چوارچێوەی هەنگاوەكانی جێبەجێكردنی یاسای چاكسازیدا وەزارەتی دارایی رێوشوێنی یاسایی بەرامبەر 50 كۆمپانیا گۆتووەتە بەر بەهۆی خۆدزینەوە لە پێدانی باج بە حكوومەت و ساختەكردنی بەڵگەنامە و پێدانی راپۆرتی ناڕاست".

راشی گەیاند: "ئامانجی ئەو كۆمپانیایانەی فێڵ و تەڵەكەبازی دەكەن و بەڵگەنامەكان ساختە دەكەن، بە هەر جۆرێك بێت هەموویان یەك ئامانجیان هەیە، کە ئەویش نەدانی باجە بە حكوومەت، چونكە هەر جۆرە دەستكاریكردنێكی بەڵگەنامەكان، بە كارێكی ساختە لەقەڵەم دەدرێت و سزای بۆ دیاری كراوە".

 كەمال وەرتی ئاماژەی بەوەش كرد: "پەڕاوی ئەو كۆمپانیایانە لە دادگاكانە و كاری لەسەر دەكرێت، بەڵام تا ئێستا هیچیان یەكلا نەبوونەتەوە، چونكە ئەو كارانە زۆربەیان تەكنینكی و هونەرین و كاری ورد و كاتی زۆریان پێویستە، بۆیە تا بڕیار كۆتاییان لەسەر دەردەچێ‌ت، كاتێكی زۆر دەخایەنێت، بەڵام چاوپۆشی لە هیچ كەسێك ناكرێت".