زیاتر لە ١٠ ملیار دینار بۆ ژمارەیەک پڕۆژەی رێگاوبانی کۆیە تەرخان دەکرێ
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

زیاتر لە ١٠ ملیار دینار بۆ ژمارەیەک پڕۆژەی رێگاوبانی کۆیە تەرخان دەکرێ

لە سنووری قەزای کۆیە چەندین پڕۆژەی ڕێگاوبان کەوتونەتە باری جێبەجێکردن و تێکڕای ئەو پارەیەی بۆ ئەو بابەتەش تەرخانکراوە زیاتر لە ١٠ ملیار دینارە.

یوسف کەلکانی ، قایمقامی کۆیە بە (باسنیوز)ی ڕاگەیاند: "ئێستا لە سنووری قەزای کۆیە بە بڕی زیاتر لە ١٠ ملیار دینار لەسەر بودجەی حکوومەتی ھەرێمی کوردستان چەندین پڕۆژەی ڕێگاوبان لە باری جێبەجێکردندان کە خۆیان لە ١٣ بڕگە و شوێن کە قیرتاو و تێکەڵەرێژکردنە، دەبینێتەوە".

گوتیشی: "پڕۆژەکان بریتین لە:- چاککردنەوەی رێگای تەقتەق، چاککردنەوەی رێگای لۆفەکانی کەلکەسماق، چاککردنەوەی رێگای سێگردکان، قیرتاوکردنی رێگای گوندی قۆریتان، قیرتاوکردنی رێگای گوندەکانی کڵێسا و بۆگد و تێکەڵەرێژکردنی چەند رێگا و کۆمەڵێک پڕۆژەی تر".

ڕونیشیکردەوە"ئێستا ٥٠٪‏ی پڕۆژەکان تەواوکراون و بڕیارە پێش ھاتنی وەرزی زستان تەواو بکرێن".