مەحما خەلیل: گرۆپێن نەشەرعی كار بۆ زێدەتر ئالۆزكرنا شنگال دكەن
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

مەحما خەلیل: گرۆپێن نەشەرعی كار بۆ زێدەتر ئالۆزكرنا شنگال دكەن

قایمقامێ‌ قەزا شنگال دیار كر كو نۆكە چوو دەستێ گرۆپێن نەشەرعیدا نەمایە ژبلی پتر تێكڤەدانا رەوشا شنگال كو فشارەكا زێدە مەزن ل سەر ئێزدیان دكەن داكو رەوش خۆش نەبیت. نۆكە یێ‌ كار بۆ پتر ئالۆزتركرنا رەوشا دەڤەرێ كەن.

مەحما خەلیل، قایمقامێ‌ قەزا شنگال بۆ (باسنیوز) دیار كر كو: "بەری دوو رۆژان گەنجەكێ‌ عەرەب  سەر هۆزا شمر ڤە ل ناڤ سەنتەرێ‌ شنگال دا ژلایێ‌ گرۆپێن نەشەرعی ڤە هاتییە كوشتن. ئەم ڤان كاران ریسوا دكەین و داخوازێ دكەین گرۆپێن نەشەرعی دەستان ژ ڤان رەفتارێن خراب بەر دەن كو گرۆپێن نەشەرعی خەلكەكێ‌ ناڤ شنگالدا دكوژن داكو بخنە ستوویێ‌ ئێزدیاندا و ئالۆزیێن مەزن ناڤبەرا ئێزدیان و عەرەباندا چێ كەن، لێ‌ خەلكێ‌ شنگال ب هەموو پێكهاتیێن خۆ ڤە گەهشتینە وێ‌ باوەری دزانن پەكەكە و هەموو گرۆپێن چەكدار بتنێ‌ یێن بۆ مەرەمێن خۆ ل شنگال كار دكەن".

ئاشكەرا كر كو: "پشتی دەست پێنگاڤێن بجه ئێنانا رێكەڤتنا دناڤبەرا حكومەتا هەرێما كوردستانێ‌ و عێراقی دا بۆ ئاساییكرنا رەوشا شنگال گرۆپێن نەشەرعی دەست دایە چێكرنا ئالۆزیان ورێ‌ بۆ وان كەسان خۆش دكەن یێن دەرڤەی قانونێ ل شنگال كار دكەن داكو دووڤ حەز وخواستا خۆ جموجۆلێ ل شنگال ئەنجام بدەن، نەهێلن تەناهی ل شنگال دروست ببیت".