هاووڵاتییەكی شنگال: كچەكەم 17 ساڵان بوو كە پەكەكە بۆ قەندیلیان رفاند و چارەنووسی دیار نییە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

هاووڵاتییەكی شنگال: كچەكەم 17 ساڵان بوو كە پەكەكە بۆ قەندیلیان رفاند و چارەنووسی دیار نییە

 هاووڵاتییەكی شنگال، ئاشكرای كرد كە پێنج ساڵ پێش ئێستا، كاتێك كچەكەی تەمەنی 17 ساڵان بووە، پەكەكە بۆ قەندیلیان ڕفاندووە و تا ئێستا چارەنووسی دیار نییە.

ئیبراهیم بەدل، هاووڵاتییەكی شنگالە و بۆ (باسنیوز) ئاشكرای كرد "كچێكم بە ناوی نەسیمە، لە مانگی 10ـی ساڵی 2015ـەوە پەكەكە ڕفاندوویانە و لەگەڵ خۆیاندا بردوویانە، تا ئێستا هیچ شتێك لەسەر چارەنووسی نازانین".

ئاماژەی بەوەش كرد، كە زۆر پرسیاری لە سۆراخی كچەكەی كردووە و هەر جارەو وەڵامێكی جیاوازی پێ دەدەن.

ئاشكراشی كرد، كە لەو كاتەوەی كچەكەیان بۆ قەندیل ڕفێندراوە، تەنیا زانیاریی ئەوەیان پێ گەیشتووە كە ماوەی شەش مانگ مەشق و راهێنانی پێ كراوە "هزری كچەكەمیان تێك داوە و لێ ناگەڕێن بچین بیبینین."