زۆربەی بودجەی توركیا بۆ ٢٠٢١ پشت بە باج دەبەستێت
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

زۆربەی بودجەی توركیا بۆ ٢٠٢١ پشت بە باج دەبەستێت

سەرۆكایەتیی كۆماری توركیا، ئیمزای لەسەر بودجەی ٢٠٢١ كرد و ڕەوانەی پەرلەمانی كرد، بە گوێرەی زانیارییەكانیش بودجەی٢٠٢١ بە زۆری پشتی بە باج بەستووە.

ئاژانسەكانی هەواڵی توركیا بڵاویان كردەوە، بودجەی ٢٠٢١ گەیشتە پەرلەمان و لە ماوەیەكی زۆر نزیكشدا پەرلەمان گفتوگۆی لەبارەوە دەكات، بەهۆی قەیرانی داراییشەوە زیاتر پشتیان بە باج بەستووە.

بە گوێرەی زانیارییەكان، بودجەی ٢٠٢١ی تورکیا ٢٤٥ ملیار لیرەیە، جگە لە چەند داهاتێك كە لە دەرەوەی بودجەی گشتی دابین كراوە.

دوای ئەوەی سیستەمی سیاسیی توركیا لە پەرلەمانییەوە گۆڕدرا بە سیستەمی كۆماری، ئەمە سێیەم جارە سەرۆكایەتیی كۆماری توركیا بودجە ئامادە بكات.

ساڵی ٢٠٢٠ ئابووریی توركیا زۆر خراپ بووە و سەرهەڵدانی کۆرۆناش، کاریگەریی زۆری لەسەر کەرتی گەشتیاریی ئەو وڵاتە هەبووە و لیرەی توركی تا ئاستێكی زۆر داڕووخا، بۆیە بە گوێرەی هەواڵێكی ماڵپەڕی (سۆڵ)ی توركی، ئەگەر زۆرە لە ٢٠٢١دا حاڵی لیرەی توركی لە ٢٠٢٠ خراپتر بێت و دابەزینی بەهای لیرەی توركی ژمارەی پێوانەیی بشكنێت.

ئابووریناسانی توركیا پێشبینی دەكەن، لە ٢٠٢١ دا١٠٠ دۆلاری ئەمریكی ٨٠٠ لیرە تێپەڕێنێت، ئەمەش دەبێتە هۆی ئەوەی ئابووریی توركیا پاشەكشە بكات و كورتهێنان لە بودجەدا هەبێت، وەكوو ئەوەی چۆن لە بودجەی ٢٠٢٠ نزیكە ٥ ملیار دۆلار كورتهێنانیان لە بودجەدا بۆ دروست بوو.