پێدانى کارەبای نیشتیمانی بۆ ماوەیەکی کاتى کەم دەبێتەوە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

پێدانى کارەبای نیشتیمانی بۆ ماوەیەکی کاتى کەم دەبێتەوە

بەڕێوەبەرى کۆنترۆڵى کارەباى هەرێمی کوردستان رایگەیاند بەهۆى ئەنجامدانى چاکسازی لە کێڵگەى غازى کۆرمۆر، پێدانى کارەباى تیشتیمانى بە هاوبەشان بۆ ماوەیەکى کاتى دوو کاتژمێر کەم دەبێتەوە.

ئەندازیار ئومێد ئەحمەد، بەڕێوبەرى کۆنترۆڵى کارەباى هەرێمی کوردستان بە (باسنیوز)ى رایگەیاند: "لە کاتژمێر 8ى ئەمڕۆ یەکشەممە 18/10/2020ەوە تاکو 4ى ئێوارە، پێدانى کارەباى نیشتیمانى بە هاوبەشانى کارەبا بە شێوەیەکى کاتى بۆ ماوەى دوو کاتژمێر کەم دەبێتەوە، بەهۆى ئەنجامدانى چاکسازیى لە کێڵگەکانى غازى کۆرمۆرەوە".

راشیگەیاند: "ئەو چاکسازییە کۆمپانیاى دانەغاز ئەنجامى دەدات لە کێڵگەکە وەک ئامادەکارییەکە بۆ وەرزى زستان، بەو هۆیەشەوە بڕى 800 مێگاوات بەرهەمهێنانى کارەباى نیشتیمانى کەم دەبێتەوە بۆیە ناتواندرێت ئەو بڕە کابایە دابەش بکرێت".

ئاماژەى بە ئەوەش کرد" وەزارەتى کارەبا لەگەڵ وەزارەتى سامانە سروشتییەکان لەسەرهێڵە بۆ ئەوەى ئەو چاکسازییە دووکاتژمێر زیاتر کارنەکاتە سەر پێدانى کارەباى نیشتیمانى،دواى تەواوبوونى پڕۆسەکەش وەزارەت لە رێگەى تیمەکانى کۆنترۆڵ و وێستگەکانى کارەباوە کار بۆ ئاساییکردنەوەى دۆخەکە دەکرێت".