لە توویتێکدا لە تۆڕی کۆمەڵایەتیی توویتەر نێردهی تایبهتی نهتهوه یهكگرتووهكان له عێراق- یۆنامی نیگەرانی خۆی لەبەرامبەر سووتاندنی ئاڵای کوردستان و هێرشکردنە سەر بارەگای لقی ٥ی پارتی دیموکراتی کوردستان لە بەغدا دەردەبڕێ.
یونامی لە توویتەکەیدا ڕایگەیاندووە "نیگەرانی خۆمان سەبارەت بە سووتاندنی ئاڵای کوردستانی عێراق و هێرشکردنە سەر بارەگای پارتی دیموکراتی کوردستان لە بەغدا دەردەبڕین".
راشیگەیاندووە "کاری توندوتیژی و تۆقاندن ( کە هەرگیز چارەسەری ناکۆکی نین) پێویستە ئیدانە بکرێن، لە راستیدا، عێراق پێویستی بە یەکڕیزی و سەقامگیری و گفتوگۆ هەیە بۆ مامەڵەکردن لەگەڵ کێشە و گرفتە زۆرەکانی".