حزب و لایەنە تورکمانییەکان ئیدانەی هێرشکردنە سەر بارەگای پارتی و سووتاندنی ئاڵای کوردستان لە بەغدا دەکەن
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

حزب و لایەنە تورکمانییەکان ئیدانەی هێرشکردنە سەر بارەگای پارتی و سووتاندنی ئاڵای کوردستان لە بەغدا دەکەن

 

ژماەیەک لایەن و پارتی تورکمانییەکان لە هەرێمی کوردستان ئیدانەی هێرشکردنە سەر بارەگای پارتی و سووتانی ئاڵای کوردستان لە بەغدا لەلایەن لایەنگرانی حەشدی شەعبییەوە دەکەن، سەرۆکی پارتی گەشەپێدانی تورکمانیش جەخت لەسەر ئەوە دەکاتەوە کە حەشدی شەعبی بۆئەوە دروستبووە شەڕی داعش بکات نەک خۆی ببێتە هۆکاری تێکدانی ئاشتەوایی کۆمەڵایەتی و ژیانی پێکهاتەکانی دیکە بخاتە مەترسیەوە.

محەممەد سەعدەدین، سەرۆکی پارتی گەشەپێدانی تورکمانی، بۆ (باسنیوز) رای گەیاند: "ئەوان وەکو پارت و لایەنە تورکمانیەکان ئەوانەی کە هاوپەیمانن لەگەڵ پارتی گەشەپێدانی تورکمان، کە پێکهاتوون لە پارتی گەشەپێدانی تورکمان، پارتی دیموکراتی تورکمانی، کۆمەڵی لیبڕاڵی تورکمانی، پارتی گەلی تورکمانی، ئیدانەی ئەو کردەوەیە دەکەین کە لە بەغدا روویداوە بە هێرشکردنە سەر بارەگای پارتی دیموکراتی کوردستان و سوتانی ئاڵای کوردستان".

گووتیشی: ”هێزی حەشدی شەعبی کە کاتی خۆی بە یاسایی کرا بۆ ئەوە بوو کە ڕووبەڕووی داعش ببێتەوە و ڕێگری لە کردەوەی تیرۆرستی بکات، بۆ ئەوەش بودجەیەکی زەبەلاحی بۆ دیاریکراوە ئەو پارەیەش بۆ بەرگریکردنە لە پێکهاتەکانی عێراق، بەڵام ئەوەی ئێستا دەبینرێ جۆرێکی دیکەیە کە حەشد خۆی بووە بە هۆکار بۆ تێکدانی ئاشتەوایی کۆمەڵایەتی و سیاسی، تێکدانی ئەزموونی دیموکراسی و دروستکردنی دۆخێک بۆ تێکدانی پەیوەندیە سیاسیەکان لەبەرەوە پێویستە لە دادگایی فیدڕاڵی عێراق لایەنە پەیوەنددارەکان لێکۆڵینەوەی ورد لەسەر ئەو رووداوانە بکەن، کە هەندێ لایەنی ناو حەشدی شەعبی بوون بە هۆکار بۆ تێکدانی دۆخی عێراق، لەکاتێکدا کە عێراق بە دۆخێکی هەستیاردا دەڕوات“.

ئەو سەرکردە تورکمانییە، ئاماژەی بەوەش دا، ئەو دۆخەی حەشد دروستیکردوە لەکاتێکدایە کە عێراقییەکان چاوەڕوانی ئەوەن لەلایەن سوپای عێراق و پێشمەرگە و حەشدەوە عێراق بەرەو سەقامگیری بڕوات نەک لایەنێکی وەکو حەشدی شەعبی خۆی ببێتە هۆکار بۆ نانەوەی پشێوی و تێکدانی ئاشتەوایی سیاسی و کۆمەڵایەتی، گووتیشی: ”پارتی دیموکراتی کوردستان هاوپەیمانی ئێمەیە و هێزێکی گەورە و کاریگەرە لە گۆڕەپانی سیاسی عێراق و کوردستان، ئەرکی ئێمە و هەموو لایەنە کوردستانی و عێراقیەکانە هەڵوێستی پشتیوانیمان بۆ پارتی هەبێت، چونکە ئەوە تەنیا هێرش نیە بۆ سەر پارتی، بەڵکو هێرشە بۆ سەر تەواوی پڕۆسەی سیاسی و هەڕەشەیەکە بۆ کاری حزبی و فرە حزبی و تەجروبەی دیموکراسی“.