پۆلیسی هەولێر یەکێک لە تۆمەتبارانی هەڵکوتانە سەر دەرمانخانەیەک لە شاری ھەولێر دەستگیر کرد
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

پۆلیسی هەولێر یەکێک لە تۆمەتبارانی هەڵکوتانە سەر دەرمانخانەیەک لە شاری ھەولێر دەستگیر کرد

 

بەرێوەبەرایەتی پۆلیسی پارێزگای هەولێر راگەیاندراوێکی لەبارەی رووداوی هەڵکوتانە سەر دەرمانخانەیەک لە شاری ھەولێر بڵاوکردەوە.

لە راگەیاندراوەکەی پۆلیسی هەولێر هاتووە: "دوای بڵاوبوونەوەی گرتە ڤیدیۆیەک لە نێو تۆرە کۆمەڵاتییەکان کە دوو کەس ھەڵدەکوتنەسەر دەرمانخانەیەک لە شاری ھەولێر تیمێکی تۆکمەمان پێھێنا لە پۆلیسی بەشی دەشتی ھەولێر و پۆلیسی بەشی نەھێشتنی تاوان و پۆلیسی بەشی چالاکییە مەدەنییەکان و کەمتر لە ٢٤ کاتژمێر رۆژی ھەینی تۆمەتبارێکی سەرەکیمان بەناوی (ف .ع .ق ) دەستگیرکرد و ھێزەکانمان سەرقاڵی دەستگیرکردنی تۆمەتباری دووەمن".

دەقی راگەیاندراوەکە:

دوای بلاو بوونەوەی گرتە ڤیدیۆیەک لە نێو تۆرە کۆمەلایەتیەکان کە دووکەس ھەلدەکوتنەسەر دەرمانخانەیەک لە شاری ھەولێر تیمێکی تۆکمەمان پێھێنا لە پۆلیسی بەشی دەشتی ھەولێر و پۆلیسی بەشی نەھێشتنی تاوان و پۆلیسی بەشی چالاکیە مەدەنیەکان وە کەمتر لە (٢٤) کاتژمێر رۆژی ھەینی تۆمەتبارێکی سەرەکیمان بەناوی (ف .ع .ق )دەستگیر کردو وە ھێزەکانمان سەرقالی دستگیرکردنی تۆمەتباری دووەمن دەستبەجێش پەراوی بۆ کراوە و درایە دەست یاسا بەپێی مادەی(٤٣٠)لە یاسای سزادان ھەر لەساتی یەکەمی بلاوبوونەوەی گرتە ڤیدیۆکە تادەستگیر کردنیان پارێزگاری ھەولێر وەک بەرپرسی ئەمنی شار خۆی لەسەر ھێل بوو لەگەلمان و بەدواداچونی دەکرد وەلێرەوە دلنیایی دەدەینە ھاولاتیانی خۆشەویستی شاری ھەولێر کە پۆلیس شەو و رۆژ لە ئەرکدادەبن بۆ پاراستنی سەرومالیان بەرقەراربوونی ئەمنیەت وە خۆشمان بەخزمەتکاری ھاولاتیان دادەنێین.

عميد دلێر نجار
بەرێوەبەری پۆلیسی پارێزگاری ھەولێر
٢٠٢٠/١٠/١٧