سندوقی نەختینەی نێودەوڵەتی: زیانی كۆرۆنا لەسەر وڵاتان 28 تریلیۆن دۆلارە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

سندوقی نەختینەی نێودەوڵەتی: زیانی كۆرۆنا لەسەر وڵاتان 28 تریلیۆن دۆلارە


بەرێوەبەری سندوقی نەختینەی نێودەڵەتی ڕایگەیاند پێشبینی كراوە زیانی كۆرۆنا لەسەر ئابووریی وڵاتان لە ماوەی 5 ساڵی داهاتوودا 28 تریلیۆن دۆلار بێت.


لە میانی بەشداربوونی لە كۆبوونەوەیەكی ساڵانەی سندوقی نەختینەی نێودەوڵەتی كە لە واشنتۆنی پایتەختی ئەمریكا بەسترا، كریستالینا جورجیفا بەرێوەبەری سندوقەكە گوتی بە هۆی كۆرۆناوە ئابووریی جیهان پوكانەوەیەكی گەورەی بەخۆیەوە بینیوە، ئەو پوكانەوەیەش قەبارەكەی هێندەی پووكانەوە ئابوورییەكەی ساڵانی سییەكانی سەدەی ڕابردووە.


جورجیفا لە قسەكانی ئاماژەی بەوەش دا كە بەرەو گەشتێكی گران و نادیار دەڕۆن و لەو گەشتەدا ڕووبەرووی ئاستەنگی زۆر دەبنەوە.


لە بەشێكی دیكەی قسەكانیدا جورجیفا گوتی لە سەرەتای هاتنی پەتای كۆرۆناوە تاوەكو ئێستا سندوقی نەختینەی نێودەوڵەتی بڕی 90 ملیار دۆلاری وەكو قەرز داوەتەوە ئەندامانی سندوقە تاوەكو بەرەنگاری ئەو ئاستەنگە ئابوورییانە ببنەوە كە ڕووبەرووی وڵاتەكانیان بوونەتەوە و 81 وڵاتیش سوودمەد بوونە لەو قەرزە.