دیسا، شازدەی ئۆکتۆبەرە...!
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

دیسا، شازدەی ئۆکتۆبەرە...!

دیسا، شازدەی ئۆکتۆبەرە...!
حەمرین کپکراوو
کەرکوکم، دەستبەسەرە.
چنگی عڕوبە،
عەگاڵی پێ پەتییان...
توێڕییەکەی جبوورییان،
تینووی خوێنی کوردن...!
لەژێر پێ، تا کەللەی سەرە.
دیسا، شازدەی ئۆکتۆبەرە...!
داودییەک و پلایسێک، لەسەر خوانن
بە سینیێێک ماسییەوە
پازدارێک لەولا،
ئەمی دی، عەمامە بەسەرە.
خۆفرۆشن، داگیرکەرن
خاینن، بێ روون،
هەمووی بوون بەیەک بەرە..!
دیسا شازدەی ئۆکتۆبەرە،
تاکتیکچییەک، لەپێشەوە
دۆمینەچییەک، لە راستەوە
قومارچییەک لە چەپییەوە
چاوساغی، حەشدن
فەرمانییان پێیە، فەرمانی عەبە
بیسڕنەوە هەولێر،
لە هۆلاکۆوە هەتا بەڵێی خۆسەرە..!
دیسا شازدەی ئۆکتۆبەرە،
مێژوو دەینووسێتەوە،
بووەتە بەربەستی خەونی نیشتیمان..!
کاڵفامێک،
هەرزەیەکی خاکفرۆشی
کوردشکێنی،
ئەوبەرە...!

سەهین موفتی