پەتای كۆرۆنا ئەورووپای تەنیوە و رێكارەكان توندتر دەكرێن
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

پەتای كۆرۆنا ئەورووپای تەنیوە و رێكارەكان توندتر دەكرێن

 

پەتای كۆرۆنا، لە ئەورووپا بە شێوەیەكی فراوانتر بڵاو بووەتەوە و حكوومەتی چیك، وەك یەكەم وڵات، سێ هەفتە داخستنی قوتابخەنەكان و قەدەغەی یانەكانی شەوانەی سەپاند.

بە پێی ڕاگەیاندراوی كۆماری چیك، قوتابخەنەكان و شوێنی پشوودان و یانەكانی شەوانە تا 3ی نۆڤێمبەر دادەخرێن، ئاماژە بەوەش كراوە، كە گەیاندنی خێرا لە خواردنەگەكان كاتەكەی كەم بكرێتەوە و تەنیا تا كاتژمێر 8ی ئێوارە ڕێ بە دلیڤەری بدرێ.

بەدەر لەوە، شوێنی مانەوەی قوتابیان "بەشەناوخۆییەكان" بۆ ماوەیەكی كاتی دادەخرێن، خوێندنیش بە رێگای ئۆنلاین دەبێ، بەڵام باخچەی ساوایان بەكراوەیی دەمێنێتەوە.

هەر بە هۆی بڵاوبوونەوەی پەتای كۆرۆنا بە شێوەیەكی فراوان، لە هۆڵەنداش قەدەغەی هاتوچۆ لە هەندێك شوێن راگەیانرا و بەستنی ماسك لە شوێنە گشتییەكان كرایە بارێكی ناچاری.

كۆرۆنا لە فەرەنساش بە شێوەیەكی فراوان بڵاو بووەتەوە و مارتن هێرش، سەرۆكی نەخۆشخانەكانی گرووپی APHP، هۆشداری دەدا لەوەی نەخۆشخانەكانی پاریس و بەشی چاودێریی چڕ لە ئانوساتی پڕبووندایە و تا كۆتایی هەفتەی داهاتوو  دەگاتە 90%.

هەر بەو هۆیەوە پێشبینی دەكرێ ئیمانۆێل ماكرۆن، سەرۆكی فەرەنسا قەدەغەی هاتوچۆ لە شوێنە گشتییەكان و ئەو شوێنانەی خەڵكی زۆری لێ كۆدەبنەوە، رابگەیەنێت.