لە هەر كاتژمێرێكدا 300 هەزار دۆلار زیان بەر كەرتی فڕۆكەوانی دەكەوێت
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

لە هەر كاتژمێرێكدا 300 هەزار دۆلار زیان بەر كەرتی فڕۆكەوانی دەكەوێت


یەكێتیی فڕۆكەوانیی گشتیی نێودەوڵەتی (IATA) هۆشداری داوە لە هەرەسهێنانی كەرتی فرۆكەوانیی جیهانی بە هۆی ئەو زیانە گەورەیەی بە هێڵە ئاسمانەوانییەكان كەوتووە.


لە راپۆرتێكی تازەیاندا یەكێتیی فرۆكەوانیی گشتیی نێودەوڵەتی ڕایگەیاندووە كە تەنها لە چوار مانگی ڕابردوودا 77 ملیار دۆلار زیان بەر كەرتی فرۆكەوانەی جیهانی كەوتووە، واتە لە هەر كاتژمێرێكدا زیانەكان 300 هەزار دۆلار بوونە.


لە راپۆرتەكەدا ئاماژەیان بەوە داوە كە ساڵی ئایندەش كەرتی فڕۆكەوانیی جیهانی گەشەكردنێكی ئەوتۆ بە خۆیەوە نابینێ، ڕەنگە زیانەكان بەردەوام بن و پێشبینییش دەكرێ بۆ هەر مانگێك زیانەكان بە بڕی شەش ملیار دۆلار بێت.

ئەلیكساندەر دیجونیاك بەڕێوەبەری گشتی ئەو یەكێتییە دەڵێ هەرچەندە یارمەتی وڵاتان بۆ بوژانەوەی كەرتی فرۆكەوانی 160 ملیار دۆلار بووە، بەڵام هێشتا ناتوانرێ ئەم كەرتە بگەڕێتەوە دۆخی جارانی و پێویستیشە بۆ زستانی داهاتوو حكوومەتی وڵاتان هاوكاری زیاتری ئەو كەرتە بكەن و باجی سەر كۆمپانیا فرۆكەوانییەكان كەمتر بكەنەوە .