كوردی عربي بادینی
Kurdî English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
×

زاخۆ.. پشتى 7 هه‌یڤان ژ گرتنێ هۆلێن نشته‌رگه‌ریان دێ هێن ڤه‌كرن

ژ ئه‌گه‌رێ په‌یدابوونا په‌تایا كۆرونایێ، زێده‌تر ژ 7 هه‌یڤانه‌ ل قه‌زا زاخۆ، هۆلێن نشته‌رگه‌ریان هاتبوونه‌ گرتن، لێ جاره‌ك دى پشتى 7 هه‌یڤان دێ هێن ڤه‌كرن و كه‌ڤنه‌ خزمه‌تا خه‌لكێ قه‌زا زاخۆ دا.

د.شاكر عه‌بدولره‌حمان، رێڤه‌به‌رێ ساخله‌میا قه‌زا زاخۆ بۆ (باسنیوز) دیاركر: "هاتنا په‌تایا كۆرونایێ گۆهرینێن مه‌زن ل سه‌ر جیهانا مرۆڤایه‌تیێ په‌یدا كرن و كه‌رتێ ساخله‌میێ كه‌فت بوو به‌ر باره‌كێ گرانتر ژ به‌رى نها دا و پتر كه‌فته‌ ئاماده‌باشیێ دا ژ پێخه‌مه‌ت خزمه‌تكرنا ته‌خا جڤاكى و پاراستنا گیانێ خه‌لكى و خۆیایه‌ به‌رى په‌تایا كۆرونایێ بهێت رۆژانه‌ ل هۆلێن نشته‌رگه‌ریێن نه‌خۆشخانا گشتى یا زاخۆ دگه‌ل نه‌خۆشخانا هه‌وارهاتنێ هژماره‌ك زۆر ژ هه‌مى جۆرێن نشته‌رگه‌ریان بۆ خه‌لكى دهاتن ئه‌نجام دان لێ كۆرونا بوو ئه‌گه‌ر خه‌لك بۆ ئه‌نجامدانا وان نشته‌رگه‌ریان قه‌ستا نه‌خۆشخانێن تایبه‌ت بكه‌ن".

دۆپاتى ل وێ چه‌ندێ ژى كر: " د ئه‌ڤى ده‌مێ كۆ هۆلێن نشته‌رگه‌ریان گرتى ماین، ستافێ مه‌ یێ ساخله‌میێ و هۆلێن نشته‌رگه‌ریان ل به‌شێن دیتر خزمه‌تا خه‌لكى دكر و چاره‌سه‌رى پێشكێشكى نه‌خۆشان دكرن".

ناڤبری ته‌كه‌ز ل سه‌ر وێ چه‌ندێ ژى كر: "پشتى 7 هه‌یڤێن گرتنا هۆلێن نشته‌رگه‌ریان ل زاخۆ، مه‌ كار ل سه‌ر وێ چه‌ندێ كریه‌ جاره‌ك دى ده‌رگه‌هێ ئه‌ڤان هۆلان بهێت ڤه‌كرن و نها دا نشته‌رگه‌ریێن نه‌خۆشیێن دلى دهێن ئه‌نجام دان و چه‌ند كاره‌ك بچویك مانه‌ و ئه‌گه‌ر چ ئاریشه‌ درۆست نه‌بن ژڤانه‌ حه‌فتیا بهێت ب ته‌مامى هۆلێن ئه‌نجامدانا نشته‌رگه‌ریان ل زاخۆ بهێن ڤه‌كرن و هه‌ر جۆره‌ نشته‌رگه‌ریه‌ك بهێت ئه‌نجام دان".