پیشانگایەكی كاری دەستی لە سەنتەری ڕۆژشنبیریی كەركووك كرایەوە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

پیشانگایەكی كاری دەستی لە سەنتەری ڕۆژشنبیریی كەركووك كرایەوە

پیشانگایەكی كاری دەستی بۆ دەیان بەهرەمەندی شاری كەركووك، لە سەنتەری رۆشنبیریی كەركووك كرایەوە و ئەو پیشانگایە تاكوو رۆژی یەكشەممەی داهاتوو كراوە دەبێت.

رۆكان جاف، بەرپرسی بەشی ڕاگەیاندنی سەنتەری رۆشنبیریی كەركووك، بە (باسنیوز)ی ڕاگەیاند: "ئەمڕۆ شەممە 10/10/2020، پیشانگایەكی كاری دەستیمان بە هاوكاریی كۆمیسیۆنی مافەكانی مرۆڤی عێراق، بۆ دەیان بەهەرمەندی شاری كەركووك كردەوە و ئەو پیشانگایە زیاتر بۆ ئەو ئافرەتانەی كەركووكە كە دەستڕەنگینن و ئەو پیشانگایە تاكوو رۆژی یەكشەممەی داهاتوو 12/10/2020 بەردەوام دەبێت".

گوتیشی ئەو كەسە دەستڕەنگینانەی كە كاری دەستیی خۆیان هەیە لەبەر ئەوەی هیچ شوێنێكیان نییە بۆ ساخكردنەوەی بەرهەم و كاڵاكانیان، بۆیە ئەو پیشانگایەمان بۆ كردونەتەوە بۆ ئەوەی لە ڕووی ماددیشەوە سوودێك بكەن و بەردەوامبن لە داهێنانەكانیان.