ئەمریكا: ئەو مووشەکانەی لە هێرشەکەی هەولێردا بەکارهاتوون جیاوازن لەوانەی پێشتر هێرشیان پێ كراوەتە سەر هێزەكانمان
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

ئەمریكا: ئەو مووشەکانەی لە هێرشەکەی هەولێردا بەکارهاتوون جیاوازن لەوانەی پێشتر هێرشیان پێ كراوەتە سەر هێزەكانمان

 

بەرپرسێکی وەزارەتی بەرگریی ئەمریکا ئاشكرای دەكا، كە مووشەکی نوێ لە هێرشەکەی هەولێر بەکارهێندراون و ئەو مووشەكانە پێشتر لە ھێرشەكانی ناوچەكانی دیكەی عێراق بەكارنەھێندراون.

ئەمڕۆ پێنجشەممە 1/10/2020، کەناڵی سی ئێن ئێن، لە زاری بەرپرسێکی باڵای وەزارەتی بەرگریی ئەمریکا بڵاوی کردووەتەوە، سێ مووشەک لە نزیک بنکەی سەربازی هێزی هاوپەیمانان کەوتوونەتە خوارەوە، هێرشەکە هیچ زیانێکی ماددی و گیانی بە دوای خۆیدا نەهێناوە.

وەك كوردستان 24 بڵاوی كردووەتەوە، بەرپرسە باڵاکەی پێنتاگۆن دووپاتی دەکاتەوە، ئەو مووشەکانەی لە هێرشەکەی هەولێردا بەکارهاتوون جیاوازن لەوانەی لە هێرشەکانی پێشووتری سەر هێزەکانی ئەمریکا لە ناوچەکانی دیکەی عێراق.

بەرپرسەکەی پێنتاگۆن هێرشەکە بە "دروستکردنی کێشە" وەسف دەکات، چونکە هێرشەکە فراوانترە لە هێرشەکانی پێشوو.

شەوی رابردوو 30/9/2020، شەش مووشەك بە ئاراستەی فڕۆکەخانەی نێودەوڵەتیی هەولێر هاوێژران. وەزارەتی ناوخۆی حكومەتی ھەرێمی كوردستان ئاشكرای كرد، هیچ ئامانجێکیان نەپێکاوە و زیانی لێ نەکەوتووەتەوە. موشەکەکان لە سنووری بەرتللە (برطلە) لە نێوان گوندەکانی شیخ ئەمیر و تەرجلە لە سەر پیکابێک هاوێژراون. ئەم دەڤەرەش دەکەوێتە سنووری لیوای 30 حەشدی شەعبی.