رێکخراوێکی نێودەوڵەتی: هەوڵی کوشتنی چالاکوانە عێراقییەکان بەردەوامە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

رێکخراوێکی نێودەوڵەتی: هەوڵی کوشتنی چالاکوانە عێراقییەکان بەردەوامە

رێکخراوی لێبوردنی نێودەوڵەتی رایدەگەیەنێت، کە راوەدونان و هەوڵی کوستنی چالاکوانە عێراقییەکان بەردەوامە.

ئەمڕۆ پێنجشەممە 1-10-2020، رێکخراوی لێبوردنی نێودەوڵەتی لە هەژماری تایبەتیی خۆی لە تۆڕی کۆمەڵایەتیی (تویتەر)، داوای لە حکوومەتی عێراق کردووە هەوڵەکانی بۆ دەستگیرکردنی بکوژی چالاکوان و رێکخەرانی خۆپیشاندانەکان، چڕ بکاتەوە.

ئەو لێدوانەی رێکخراوەکە بەبۆنەی تپەڕینی ساڵێک بەسەر دەست پێکردنی خۆپیشاندانەکان دێت، کە لە رۆژی 1-10-2019 لە بەغدا و شارەکانی باشووری عێراق دەستیان پێکرد و تێیدا هاووڵاتییان داوای دابینکردنی مافە سەرەتاییەکانی وەک ئاوی خواردنەوە، کارەبا و کار بۆ گەنجانیان دەکرد، بەڵام هێز و میلیشیا عێراقییەکان بە چەک رووبەڕوویان بوونەوە.

رێکخراوی لێبوردنی نێودەوڵەتی ئاماژەی بەوەش کردووە، کە سەرەڕای تێپەڕبوونی ساڵێک بەسەر خۆپیشاندانەکان، تا ئێستا هەڕەشەکردن، راوەدونان و کوشتنی چالاکوان و رێکخەرانی خۆپیشاندانەکان، بەردەوامە.