جۆتیارێن دهۆكێ‌ ئەڤرۆ پارێ گەنمێ‌ خۆ وەردگرن
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

جۆتیارێن دهۆكێ‌ ئەڤرۆ پارێ گەنمێ‌ خۆ وەردگرن

رێڤەبەرێ‌ كومپانیا بازرگانی یا دەخل و دانی ل پارێزگەها دهۆكێ‌ دیار كر كو ئەڤرۆ 30/9/2020ێ‌ كوژمێ‌ هەشت ملیار و 331 ملیۆن دینارێن پارە جۆتیاران گەهشت. دێ‌ دەست بەلاڤكرنێ‌ ل سەر جۆتیارێن دهۆكێ‌ هێتە كرن.

نازم مەحمەد، رێڤەبەرێ‌ كومپانیا بازرگانی یا دەخلودانی ل پارێزگەها دهۆكێ‌ بۆ (باسنیوز) راگەهاند كو ئەڤ كوژمێ‌ پارە دهێتە دابەشكرن ل سەر هەر سێ‌ سایلۆیێن دهۆكێ‌ ئەوژی سایلۆیا فەیدێ‌ و شێخان و زاخۆ. بۆ سایلۆیا فەیدێ‌ بەنكا گارە ل دهۆكێ‌ كوژمێ‌ سێ‌ ملیار و 760 ملیۆن دیناران هاتینە تەرخانكرن، بۆ سایلۆیا شێخان ژی ل بەنكا شێخان كوژمێ‌ سێ‌ ملیار و 237 ملیۆن دینار هاتینە تەرخانكرن و بۆ سایلۆیا زاخۆ ژی ل بەنكا خابیر كوژمێ‌ ملیارەك و322 ملیۆن دینار هاتینە تەرخانكرن".

گۆتژی: "ئەڤ پارە هاتیە مەزاختن بۆ هەر سێ‌ سایلۆیێن دهۆكێ‌. دێ‌ ژوان جۆتیاران یێن مێژوویا 13/6/2020ێ‌ هەتا رۆژا 19/6/2020ێ‌ گەنمێ‌ خۆ رادەستێ‌ سایلۆیان كرین وئەڤرۆ دێ‌ پارە هێتە مەزاختن".

ئاشكەرا كر كو: “هەر ئەڤرۆ هەوا رێكخستنا چەكێ‌ بەلاڤكرنا پارەی ل سەر جۆتیاران دێ‌ دەست پێ‌ كەت. ئەڤە گەرا دوویێ‌ ژپارە سالە 2020ێ‌ یێن جۆتیارێن دهۆكێ.‌ د گەرا ئێكێ‌ دا كوژمێ‌ سێ‌ ملیار دینار ل سەر جۆتیاران هاتبوونە بەلاڤكرن و نها ژی هەشت ملیار و 331 ملیۆن دینار دهێنە بەلاڤكرن ل سەر جۆتیاران".

پارێ‌ جۆتیارێن دهۆكێ‌ یێ‌ ئەڤ سالە گەنمێ‌ خۆ داینە هەر سێ‌ سایلۆیێن دهۆكێ‌ بیتە كوژمێ‌ 56 ملیار و 305 ملیۆن دینار.