ئەمڕۆ ئەنجوومەنى پارێزگاى هەولێر قایمقامێکى تازە بۆ سۆران هەڵدەبژێرێت
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

ئەمڕۆ ئەنجوومەنى پارێزگاى هەولێر قایمقامێکى تازە بۆ سۆران هەڵدەبژێرێت

سەرۆکە ئەنجوومەنى پارێزگاى هەولێر رایگەیاند ئەندامانى ئەنجوومەنی پارێزگا ئەمڕۆ دەنگ لەسەر بەربژێرێک دەدەن، کە لەلایەن پارێزگارى هەولێرەوە بۆ قایمقامى سۆران کاندید کراوە و دەبێ زۆرینەى دەنگى ئەندامان بەدەست بێنێت.

د.عەلى رەشید. سەرۆکى ئەنجوومەنى پارێزگاى هەولێر بە(باسنیوز)ى راگەیاند: "بەپێى یاساى ژمارە 3ى ساڵى 2009ى ئەنجوومەنى پارێزگاکانى هەرێمى کوردستان،دواى ئەوەى پارێزگارى هەولێر بەپێى نووسراوێک بەربژێرێکى بۆ ئەنجوومەنى پارێزگا رەوانە کرد، سەرۆکایەتى ئەنجوومەن کۆبووەوە و بڕیار کۆبوونەوەى دا بۆ دەنگدان لەسەر ئەو کەسەى بەربژێرکراوە بۆ وەرگرتنى پۆستى قایمقامى قەزاى سۆران".

راشیگەیاند: " دواى پێدانى سیڤى ئەو بەربژێرە بە ئەندامانى ئەنجوومەن بڕیارە ئەمڕۆ چوارشەممە 30/9/2020 ئەنجوومەنى پارێزگاى هەولێر بۆ دەنگدان بەو بەربژێرە کۆببێتەوە، بەپێى یاسا پێویستە ئەو کەسەى بەربژێرکراوە زۆرینەى دەنگى ئەندامانى ئەنجوومەن بەدەست بێنێت بۆ ئەوەى ببێتە قایمقامى سۆران".

ئاماژەى بە ئەوەش کرد" دواى بەدەستهێنانى زۆرینەى دەنگى ئەندامانى ئەنجوومەن، نووسراوێک بۆ پارێزگارى هەولێر و وەزارەتى ناوخۆ دەکرێت بۆ ئەوەى لەوێش پەسەند بکرێت، پاشان لە سەرۆکایەتى هەرێمى کوردستانەوە فەرمانى هەرێمى بۆ دەردەکرێت".

شیاوی ئاماژە پێدانە چەند رۆژێک لەمەوبەر کرمانج عزەت قایمقامى سۆران دواى 16 ساڵ مانەوەى لەو پۆستە دەستى لەکار کێشایەوە،پارێزگارى هەولێریش هەڵگورد نەجیب عوسمانى بەربژێر کرد بۆ وەرگتنى ئەو پۆستە.