بەرزبوونەوەی ڕێژەی تووشبووانی كۆرۆنا لە ئەڵمانیا مێركڵی نیگەران كردووە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

بەرزبوونەوەی ڕێژەی تووشبووانی كۆرۆنا لە ئەڵمانیا مێركڵی نیگەران كردووە

 

بە هۆی بەرزبوونەوەی ڕێژەی تووشبووانی پەتای كۆرۆنا لە ئەڵمانیا، ئەنجێلا مێركڵ هەست بە نیگەرانیی زۆر دەكا و گوتەبێژەكەی داوای لە هاونیشتمانیانی ئەڵمانیا كردووە پابەندی ڕێوشوێنە تەندروستییەكان بن.

ئەمڕۆ دووشەممە 28/9/2020، ئاژانسی فرانس پرێس بڵاوی كردەوە، كە شتیڤن تسایبرین وتەبێژ بە ناوی ئەنجێلا مێركلی ڕاوێژكاری ئەڵمانیاوە، گوتوویەتی "بەرزبوونەوەی ژمارە و ڕێژەی تووشبووانی پەتای كۆرۆنا، جێی نیگەرانیی زۆری ئێمەیە، دەبێ لەگەڵ هەماهەنگكارانمان لە ئەورووپا، بزانین چۆن جڵەوی ئەمە بگرین و هاونیشتمانیانمان پابەندی ڕێنوێنییە تەندروستییەكان بن."

ئێستا رۆژانە لە ئەڵمانیا دوو هەزار تووشبووی نوێ بە پەتای كۆرۆنا (كۆڤید 19) تۆمار دەكرێ و بە پێی سەرچاوەكانی حزبەكەی مێركڵ، لە كۆبوونەوەی ڕاوێژكاری ئەڵمانیا لەگەڵ بەرپرسانی حزبەكەی، هۆشداری ئەوەی داوە ئەگەر هەیە تا سەری ساڵ و ئاهەنگەكانی كریسمس، ڕێژەكە بۆ 19200 كەس لە رۆژێكدا بەرز بێتەوە، ئەگەر بەو شێوەیەی ئێستا روو لە هەڵكشان بێ.