ب وێنە.. ل دهۆكێ‌ كەرتێ‌ گەشتوگوزارێ‌ بەرەڤ باشبوونی یە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

ب وێنە.. ل دهۆكێ‌ كەرتێ‌ گەشتوگوزارێ‌ بەرەڤ باشبوونی یە

رێڤەبەرێ‌ گشتی یێ‌ گەشتوگوزارێ‌ ل پارێزگەها دهۆكێ‌ دیار كر كو نۆكە رەوشا كەرتێ‌ گەشتوگوزارێ‌ بەرەڤ باشبوونێ‌ یە و لڤینەكا باش چێ بوویە.

عوبەیدوللا داود، رێڤەبەرێ‌ گشتی یێ‌ گەشتوگوزارێ‌ ل پارێزگەها دهۆكێ‌ بۆ (باسنیوز) راگەهاندكو پشتی دەرگەهێ‌ گەشتیاری دناڤبەرا پارێزگەها دهۆكێ‌ و باژێری مووسل و پارێزگەهیێن ناڤەراست و ژێریا عێراقی ل هەمبەر گەشتیاران هاتیە ڤەكرن، رەوشا گەشتوگوزارێ‌ ل دهۆكێ‌ بەرەڤ باشبوونێ‌ ڤە چوویە و رۆژانا هژمارەكا گەشتیاران قەستا دهۆكێ‌ دكەن كو رەوش باشتر بوویە ژ بەرێ‌ 15 رۆژان و چەند پشتەڤانیا كەرتی تایبەت بهێتە كرن بۆ گەشتوگوزارێ‌ دێ‌ پتر لڤین دروست بیت، نەخاسمە پرۆژەیێن گەشتیاری".

ئاشكەرا كر كو: "بتنێ‌ مەساج و هۆلێن ئاهەنگێن تایبەت هیشتا نەهاتینە ڤەكرن، ئەوژی مە داخواز یا كری جهێن مەساج و هۆلێن ئاهەنگێن تایبەت ژی بهێنە ڤەكرن".

رێڤەبەرێ‌ گشتی یێ‌ گەشتوگوزارێ‌ دهۆكێ‌ گۆت: "پلان هەبوو چەندین پرۆژەیێن تلفریك بهێنە دروستكرن، ژوانا ژی تلفریك ل سەر چیایێ‌ زاوا، هەروەسا ژی تلفریك ل ئاكرێ‌ و  سرسنكی و زاخۆ ژی بهێنە دروستكرن، ئەڤە پلانا مە دابوویە ئەم داخواز دكەین ئەڤ پرۆژەیێن تلفریكا بهێنە چێكرن، چونكو د بەرژوەندنا كەرتێ گەشتوگوزارێ‌ دایە".