لە ڕۆژی جیهانیی گەشتوگوزاردا چەند چالاکییەک بەڕێوەچوون
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

لە ڕۆژی جیهانیی گەشتوگوزاردا چەند چالاکییەک بەڕێوەچوون

ئەمڕۆ یەکشەممە بە بۆنەی رۆژی جیهانیی گەشتوگوزار چەند چالاکییەک لە هەرێمی کوردستان بەڕێوەچوون.

نادر ڕۆستی، گوتەبێژی دەستەی گشتی گەشتوگوزاری هەرێمی کوردستان، بە (باسنیوز) ی ڕاگەیاند: "٢٧ی ئەیلوول رۆژی جیهانی گەشتوگوزارە و لەگەڵ چالاکییە جیهانییەکان لە هەمان کاتدا لە هەرێمی کوردستان بە رەچاوکردنی باردۆخی تەندروستی چەند چالاکییەک بەو بۆنەیەوە بەڕێوەچوون".
گوتیشی: "لە سنووری پارێزگای هەولێر هەڵمەتی پاکراگرتنی ژینگە بەسەرپەرشتی وەزیری شارەوانی و گەشتوگوزار و پارێزگاری هەولێر بەڕێوەچوو ،سەرەتای هەڵمەتەکە لە شاری هەولێر بە بەشداری وەزیری شارەوانی و گەشتوگوزار و پارێزگاری هەولێر و سەرۆکی شارەوانی و رێکخراوەکانی کۆمەڵگەی مەدەنی و هاووڵاتیان دەست بە هەڵمەتەکە کرا و دواتر لە شاری سلێمانی، رێورەسمێک بۆ ئەم یادە لە لایەن بەرێوەبەرایەتی گشتیی گەشتوگوزاری سلێمانی رێکخرا، لە رێوڕەسمەکەدا ژمارەیەک چالاکوان و کەسایەتی کە رۆڵیان لە پێشخستنی گەشتوگوزار هەیە خەڵات کران و دواتر بەمەستی سەوزکردنی وڵات و پاکڕاگرتن و سەوزکردنی ژینگە، هەڵمەتێکی نەمام چاند بە هەمان بۆنەوە لە گۆیژە رێکخرا".

هەروەها ڕایگەیاند: "هاوکات لە شاری دهۆک و لە سۆران، هەڵمەتێکی پاککردنەوە لە لایەن یەکە کارگێرییەکان و گەشتوگوزاری سۆران بۆ هاوینەهەوارەکانی جوندیان و بێخاڵ و چەند ناوچەیەکی دیکەی گەشتیاری بەرێوەچوو".